Bidasoa Bizirikek sei ikastaro egingo ditu aste honetan enplegua bilatzen laguntzeko
Bidasoa Bizirikek prestakuntzako eta enplegua bilatzeko sei tailer antolatu ditu aste honetarako, gaurtik bertatik hasita. Etorkizuna duten lanbideei buruzko El Espazio bulegoan egingo dira. Hauek dira ikastaroak: Enplegua aktiboki bilatzeko tresnak. ...
Bidasoa Bizirikek prestakuntzako eta enplegua bilatzeko sei tailer antolatu ditu aste honetarako, gaurtik bertatik hasita. Etorkizuna duten lanbideei buruzko El Espazio bulegoan egingo dira. Hauek dira ikastaroak:
- Enplegua aktiboki bilatzeko tresnak. Curriculuma eta aurkezpen-gutuna. Hilaren 3an astelehenean, 09:00etatik 12:00etara. Curriculum ereduak eta aurkezpen gutuna hobetzen eta egokitzen ikasteko ikastaroa, eskaintza eta lan helburuak abiapuntutzat hartzen dituena.
- Enpresak sortzeko goizak. Hilaren 4an, asteartean, 09:00etatik 11:00etara. Enpresak sortzeko eta negozio-plan bat egiteko zein urrats egin behar diren jakin nahi duten pertsonentzako egokia.
- Marketin pertsonalaren plana. Hilaren 4an, 5ean eta 6an (astartetik ostegunera). Enplegua bilatzeko marka pertsonala eta profesionala sortu nahi duten pertsonei zuzenduta dago.
- Enplegua bilatzea eta prestakuntza Interneten. Hilaren 5ean, asteazkenean, 15:45etik 18:45era. Interneten dauden lan-poltsak eta enplegurako baliabideak ezagutzeko ikastaroa da.
- Ba al dakizu zertan lan egin nahi duzun? Norberaren karrera profesionala zehazten edo berriro bideratzen ahalbidetzeko, eta merkatuan eskaintzen diren etorkizunezko lanbideak ezagutzeko ikastaroa.
- Gainditu ezazu lan-elkarrizketa arrakastaz. Hilaren 6an, ostegunean, 15:45etik 18:45era. Lan elkarrizketa bati aurre egiteko teknikak eta gomendioak ezagutzeko aukera izango da.
Izena eman nahi dutenek El Espazion bertan egin dezakete (Anaka kalea, 27), edo 943 63 31 60 telefono zenbakira deituta. Etorkizuna duten bulegoaren eskaintza osoa ezagutzeko bisitatu El Espazioren webgunea.
