Euskaldunaren bisita jasoko du Allerruk bihar

Erregional Preferenteko laugarren jardunaldiko partida jokatuko du Allerruk bihar, 17:45etik aurrera, Plazetan. Aurrean Andoaingo Euskalduna taldea izango dute lezoarrek: jokatutako hiru partidetan oraindik ez dute punturik lortu. Plazeta bisitatuko du...

Erregional Preferenteko laugarren jardunaldiko partida jokatuko du Allerruk bihar, 17:45etik aurrera, Plazetan. Aurrean Andoaingo Euskalduna taldea izango dute lezoarrek: jokatutako hiru partidetan oraindik ez dute punturik lortu.
Plazeta bisitatuko duen taldearen hasiera kaskarra ikusita, eta zuri-berdeen bide onak, hiru puntuak herrian geldi daitezkeela pentsatzera eraman ditzakete Allerruren zaleak. Izan ere, lezoarrak laugarren daude sailkapenean, ligaren hasieran bi partida irabazi —azkena aurreko jardunaldian, 0-3 Martuteneren etxean— eta bakarra galdu dutelako.
Baina zelaira ez dira lasaiegi atera behar etxekoak, konfiantza girotik ihes egin behar dute, baldin eta sorpresarik jaso nahi ez badute.

Allerru B eta nesken taldea
Sasoia oso ondo hasi du Allerru Bk. Jokatu dituen bi partidak irabazi ditu, biak ala biak Errenteria-Oreretako taldeen kontra —Touring Bri 0-1 irabazi zioten, eta Beti Ona Bri 3-0—.
Bolada onari eusteko partida garrantzitsua izango dute gaur Urnietan, 20:00etan, lezoarrek. Bi taldeak Lehen Erregionaleko euren taldeko lider dira, seina punturekin, eta lehenengo postu hori jokoan izango dute.
Gipuzkoako Ligan dabilen Allerruko nesken taldeak, berriz, Real Unionen bisita jasoko du bihar, 15:30ean, Plazetan. Hirugarren jardunaldiko partida izango da neskena: bigarrenean bina egin zuen Touringen etxean, eta lehenean atseden hartu zuen.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.