Kirol elkarteek urrian eskatu behar dituzte diru laguntzak
Arrauna eta bestelako kirolak sustatzen diharduten elkarteek datorren hilean eskatu behar dituzte diru laguntzak udaleko Gazteria eta Kirol Departamentuan. Astelehenetik aurrera hilabete osoan izango dute eskaera entregatzeko aukera. Udaletik gogoraraz...
Arrauna eta bestelako kirolak sustatzen diharduten elkarteek datorren hilean eskatu behar dituzte diru laguntzak udaleko Gazteria eta Kirol Departamentuan. Astelehenetik aurrera hilabete osoan izango dute eskaera entregatzeko aukera.
Udaletik gogorarazi dute eskaerarekin batera dokumentazio guztia aurkeztu beharra dagoela, «hasieratik eta bere osotasunean, azterketa eta diru laguntzen ordainketa ez atzeratzeko». Modu berean, iazko balantzea justifikatzeko fakturak edo horien fotokopia konpultsatuak aurkeztu behar direla ohartarazi dute. Eskaerak egiteko epea errespetatzeko eskatu dute baita ere, eta epez kanpo aurkeztutakoak ez dituztela bideratuko ohartu dute.
Webgunearen bidez
Zalantzak argitzeko, interesdunek harremanetan jar daitezke Gazteria eta Kirola departamentuarekin, 943 00 43 30 telefono zenbakira deituta edo www.pasaia.net webgunera joz informazio gehiago lortzeko.
