PSE-EEk Bilduren “gobernu eza” salatu du
Ehun egun igaro dira Bildu Errenteriako Udalera iritsi zenez geroztik. Errenteriako PSE-EEk Bildu eta Ezker Batuaren udal gobernuaren ehun egun horien balantzea egin du, eta epe horretan izan den “gobernu eza” salatu du. Juan Carlos Merino PSE-EEko bozeramailearen arabera, hiru hilabete horietan “erabateko eraginkortasun eza” erakutsi du gobernuak: “Orain arte ez dute ezer martxan jarri eta ekintzarik ere ez dute iragarri. Susmoa dut oraindik ere ez daukatela programarik”. Udal gobernu taldeak egindako ekintza zehatz bakarrak aurreko gobernuak, PSE-EErenak, maiatzaren 22a baino lehen martxan jarritakoak direla iritzi dio Merinok. Horren adibide batzuk ere eman ditu: Galtzarabordako igogailuak, Beraun-Kaputxinoetako igerilekuak, Ondartxoko hiltegia zenaren estaldura berritzeko lanak, Iztietako haurrentzako jolasak, Kaputxinoetako igogailua… Horrekin guztiarekin PSE-EE “kezkatuta” dagoela gaineratu du, “paralisia dagoelako”. Merinok adierazi du berak ezagutzen duen Bilduren proiektu bakarra “subiranotasuna eta parte hartzea” dela. Horrekin ematen duen irudia aurreko gobernuarekin parte hartzerik ez zegoela dela iritzi dio, eta hori ukatu du. Ehun egun horien balantzea egiteaz gain, hurrengoen iragarpena egin du. Egoera ekonomikoari dagoenez, “garai onak” ez direla onartu arren, “horrek ezin du eragozpen izan gobernuek goberna dezaten”, adierazi du. Horrenbestez, obrak egin, zerbitzu sozialak funtzionatzen jarraitu eta gainontzeko kudeaketak ere egin behar ditu udalak, Merinoren arabera. Horrekin batera, lana sustatu behar [...]
Ehun egun igaro dira Bildu Errenteriako Udalera iritsi zenez geroztik. Errenteriako PSE-EEk Bildu eta Ezker Batuaren udal gobernuaren ehun egun horien balantzea egin du, eta epe horretan izan den “gobernu eza” salatu du. Juan Carlos Merino PSE-EEko bozeramailearen arabera, hiru hilabete horietan “erabateko eraginkortasun eza” erakutsi du gobernuak: “Orain arte ez dute ezer martxan jarri eta ekintzarik ere ez dute iragarri. Susmoa dut oraindik ere ez daukatela programarik”.
Udal gobernu taldeak egindako ekintza zehatz bakarrak aurreko gobernuak, PSE-EErenak, maiatzaren 22a baino lehen martxan jarritakoak direla iritzi dio Merinok. Horren adibide batzuk ere eman ditu: Galtzarabordako igogailuak, Beraun-Kaputxinoetako igerilekuak, Ondartxoko hiltegia zenaren estaldura berritzeko lanak, Iztietako haurrentzako jolasak, Kaputxinoetako igogailua…
Horrekin guztiarekin PSE-EE “kezkatuta” dagoela gaineratu du, “paralisia dagoelako”. Merinok adierazi du berak ezagutzen duen Bilduren proiektu bakarra “subiranotasuna eta parte hartzea” dela. Horrekin ematen duen irudia aurreko gobernuarekin parte hartzerik ez zegoela dela iritzi dio, eta hori ukatu du.
Ehun egun horien balantzea egiteaz gain, hurrengoen iragarpena egin du. Egoera ekonomikoari dagoenez, “garai onak” ez direla onartu arren, “horrek ezin du eragozpen izan gobernuek goberna dezaten”, adierazi du. Horrenbestez, obrak egin, zerbitzu sozialak funtzionatzen jarraitu eta gainontzeko kudeaketak ere egin behar ditu udalak, Merinoren arabera. Horrekin batera, lana sustatu behar duela esan du, eta gogorarazi du aurreko udalak 450 langabeentzako lana sortu zuela beste erakundeekin elkarlanean.
Madalenak
Aurtengo madalenei buruz ere hitz egin du Merinok: “Azken urteetan ez dira ikusi Herriko enparantza eta udaletxea horrenbeste kartelez beteta. Leloak norabide bakarren zihoazen, gaindituta dauden denboretara, ETAri babesa ematera, eta herri horren gehiengoak babesten ez duen deialdiak egitera. Badirudi gobernuari ez ziola horrek molestatzen”.
