‘Zeateakoizut?’ kanpainarekin bat egiteko deia
Errenteriako Udalak Oarsoaldea Garapen Agentziako Euskara Zerbitzuarekin elkarlanean Zeateakoizut? kanpaina jarriko du martxan datorren astelehenean. Euskara Oarsoaldeko komertziora egitasmoaren barruan kokatuta dago kanpaina hori eta ostalaritzan euskararen presentzia eta erabilera bultzatzea du helburu. Izkiña eta Zuberoan afaria Ostalaritzan euskara bultzatzeko aurten egingo duten bigarren kanpaina, edaritegi guztietara zabalduko dute, eta Irune Balentziaga Euskara zinegotziak tabernari guztiak animatu ditu egitasmoan parte hartzera. Parte hartu nahi duten taberna guztietan txartelak banatuko dituzte. Ostalariek, txartel bana eman beharko diete kontsumizioa euskaraz eskatzen duten bezeroei eta azken horiek, txartela bere datuekin bete, eta tabernan bertan izango den buzoian sartu beharko du. Irabazleak bi lagunentzako afaria eskuratuko du Trintxerpeko Izkiña edo Oiartzungo Zuberoa jatetxeetan. Saria eman duen tabernako jabeak ere sari bera jasoko du. Eragin positiboa Bezero eta ostalarien arteko harremana euskaraz izatea bilatzen duen kanpaina, urriaren 9an bukatuko da. Euskara, bezero eta ostalarien arteko harreman hizkuntza izatea bilatzen duen kanpainak “herriko euskal giroan eta merkataritzaren dinamizazioan eragin positiboa” izango du Irune Balentziagaren ustez. Urteko bigarren kanpaina Euskara Oarsoaldeko komertziora egitasmoak merkataritzaren barruko arlo bat aukeratzen du, eta aurten, ostalaritzarekin ari da lanean. Zeateakoizut? kanpaina, ostalaritzan aurten egindako bigarrena da; aurretik, Gurean menua euskaraz jarri zuen martxan udalak Oarsoaldearen laguntzarekin eta menua euskaraz zuten taberna [...]
Errenteriako Udalak Oarsoaldea Garapen Agentziako Euskara Zerbitzuarekin elkarlanean Zeateakoizut? kanpaina jarriko du martxan datorren astelehenean. Euskara Oarsoaldeko komertziora egitasmoaren barruan kokatuta dago kanpaina hori eta ostalaritzan euskararen presentzia eta erabilera bultzatzea du helburu.
Izkiña eta Zuberoan afaria
Ostalaritzan euskara bultzatzeko aurten egingo duten bigarren kanpaina, edaritegi guztietara zabalduko dute, eta Irune Balentziaga Euskara zinegotziak tabernari guztiak animatu ditu egitasmoan parte hartzera.
Parte hartu nahi duten taberna guztietan txartelak banatuko dituzte. Ostalariek, txartel bana eman beharko diete kontsumizioa euskaraz eskatzen duten bezeroei eta azken horiek, txartela bere datuekin bete, eta tabernan bertan izango den buzoian sartu beharko du.
Irabazleak bi lagunentzako afaria eskuratuko du Trintxerpeko Izkiña edo Oiartzungo Zuberoa jatetxeetan. Saria eman duen tabernako jabeak ere sari bera jasoko du.
Eragin positiboa
Bezero eta ostalarien arteko harremana euskaraz izatea bilatzen duen kanpaina, urriaren 9an bukatuko da. Euskara, bezero eta ostalarien arteko harreman hizkuntza izatea bilatzen duen kanpainak “herriko euskal giroan eta merkataritzaren dinamizazioan eragin positiboa” izango du Irune Balentziagaren ustez.
Urteko bigarren kanpaina
Euskara Oarsoaldeko komertziora egitasmoak merkataritzaren barruko arlo bat aukeratzen du, eta aurten, ostalaritzarekin ari da lanean. Zeateakoizut? kanpaina, ostalaritzan aurten egindako bigarrena da; aurretik, Gurean menua euskaraz jarri zuen martxan udalak Oarsoaldearen laguntzarekin eta menua euskaraz zuten taberna eta jatetxeetan paperezko mahai-zapiak banatu zituzten.
