Jaizkibelgo pistak autoei ixtea eskatu dute
Jaizkibel mendiaren balio naturalak arriskuan jartzen dituztela argudiatuta, Ekologistak Martxan eta Eguzki talde ekologistek ibilgailuei pistetara sartzea debekatzeko eskatu dio Pasaiako udalari. Eskaera bera egin zioten lehendik Hondarribiko udalari ...
Jaizkibel mendiaren balio naturalak arriskuan jartzen dituztela argudiatuta, Ekologistak Martxan eta Eguzki talde ekologistek ibilgailuei pistetara sartzea debekatzeko eskatu dio Pasaiako udalari.
Eskaera bera egin zioten lehendik Hondarribiko udalari eta azken udal honek debekua ezarria duela ohartarazi dute.
Ekologistak Martxan eta Eguzki taldeek gogorarazi dutenez, Jaizkibel mendia natur gune babestua da, Natura 2000 sarearen barnean dagoena eta Natur Interesgune Zonalde izendatuta dagoena Lurralde Antolamendurako Artezpidearen (LAA) bitartez. «Pisten barnean zein kanpoan ibilgailuen presentziak eta zirkulazioak etengabeko arriskuan jartzen ditu zonaldeko balio naturalak: akuiferoa, zohikatz habitatak, esfagnalak, errekak…» salatu dute.
Ibilgailuen ondorioz Europako Araudiek babesten dituzten habitatak kutsatzeko arriskua dagoela iritzi diote.
