Astelehenean hasiko da Beti Ona entrenatzen
Beti Ona astelehenetik aurrera hasiko da 2011-2012 denboraldia prestatzen. Erregional Preferenteko taldeak arduradun tekniko berriekin eta jokalari berriekin hasiko du aurredenboraldia. Denboraldi berria “ilusioarekin” hasiko dutela zehaztu...
Beti Ona astelehenetik aurrera hasiko da 2011-2012 denboraldia prestatzen. Erregional Preferenteko taldeak arduradun tekniko berriekin eta jokalari berriekin hasiko du aurredenboraldia. Denboraldi berria “ilusioarekin” hasiko dutela zehaztu dute Beti Onatik, eta Erregional Preferenteko taldeak mailaz igotzeko aukerak izango dituela uste dute: “Erakutsiko dugu aurreko denboraldian zorte txarra izan genuela”.
Horrez gain, neskak animatu dituzte Erregional Kadetea eta Gazte Mailan lehenbailehen izena ematera. 1998 eta 1999an jaiotako mutilei ere gonbita luzatu diete Ohorezko Gazte Mailako taldean parte hartzeko probetara joatera. Halaber, 2003-2000 artean jaiotako neska mutilak ere Beti Onan sartzera animatu dituzte.
