Euskaraz abesteko tailerra egingo dute Mendi Zolanen
Hendaiako Herriko Etxeko Euskara eta Kultura zerbitzuek deskubritze tailerrak antolatu dituzte, oraingoan jaietan euskaraz abesteko ohitura bultzatzeko. Horrela, euskal kantu tailerra emango dute abuztuaren 2an eta 3an, 10:30etik 12:30era, Mendi Zola ...
Hendaiako Herriko Etxeko Euskara eta Kultura zerbitzuek deskubritze tailerrak antolatu dituzte, oraingoan jaietan euskaraz abesteko ohitura bultzatzeko. Horrela, euskal kantu tailerra emango dute abuztuaren 2an eta 3an, 10:30etik 12:30era, Mendi Zola kulturgunean (Zokoburun). Elsa-Haizea Spizzichino Hendaiako Herriko Etxeko Euskara teknikariak eta Ipar Vent taldearen kantariak eta Xabi Albistur Lanetik Egina elkartearen gitarristak tailerrean parte hartuko dute. Tailerreko antolatzaileek diotenez, «euskaraz kantatzea ez da hain zaila, aski da ahoskera arau sinple batzuk menpratzea». Tailerra bertako eta kanpoko herritarrentzat antolatu dute, eta Euskal Herriko jaietan abesten diren kantak ikasteko aukera eskainiko dute.
Kultura deskubritze tailerrak
Gainera, bestelako ekintzak egingo dituzte kultura deskubritze tailerretan uda osoan zehar, eta programa Hendaiako Herriko Etxearen webgunean (www.hendaye.com) kontsulta daiteke.
Abuztuaren 1etik aurrera eman daiteke izena Hendaiako Turismo Bulegoan edo Mendi Zolan kulturgunean. Ikastaroaren lehen egunean ere, izena eman ahalko da. Helduek (15 urtetik gora) 20 euro ordaindu behar dute eta haurrek (8 eta 14 urte bitartean) 10 euro.
