Hasi dira berriro epaiketarekin
Astebeteko geldialdiaren ostean, hasi dute Oarsoaldeko hamasei gazte auzipetuen kontrako epaiketaren laugarren saioa Espainiako Auzitegi nazionalean. Epaiketa defentsaren lehen lekukoaren deklarazioekin hasi da, eta bideokonferentziaz egin du. Gaur ere...
Astebeteko geldialdiaren ostean, hasi dute Oarsoaldeko hamasei gazte auzipetuen kontrako epaiketaren laugarren saioa Espainiako Auzitegi nazionalean. Epaiketa defentsaren lehen lekukoaren deklarazioekin hasi da, eta bideokonferentziaz egin du. Gaur ere bi poliziek deklaratzea espero da, lekuko eta peritu gisa. Epaiketaren azken saioa izan daiteke gaurkoa, azkenekoan ez baitzuen zehaztu epaileak zenbat gehiago egingo zituzten.
Segiko kidea izatea leporatuta ari dira epaitzen Espainiako Auzitegi Nazionalean eskualdeko hamasei gazteak.
Epaiketaren kontra, ostiralean, 2.000 lagun inguru bildu ziren Gazteria libre eta legala. Eskubide guztiak guztiontzat lelopean egin zen manifestazioan. Eleak mugimenduak deitu zuen, eta Ugaldetxotik Agirre Lehendakariaren plazarako ibilbidea egin zuten protestarekin bat egin zutenek. Bertan, auziek lekurik ez dutela eta “urrats berriak emateko garaia” dela nabarmendu zuten auzipetuek.
