Euskal Herriko eta Kataluniako dantzak erakutsiko dituzte
Kemen Dantza Taldearen harrobiko Adaxkako dantzari gazteak Gironan izan dira Les Preseko Marboleny taldearekin elkartrukean. Iragan asteko ostiraletik astelehenera izan dira Gironan, dantzaren bidez Euskal Herriko ondarekulturalaren zati txiki bat herr...
Kemen Dantza Taldearen harrobiko Adaxkako dantzari gazteak Gironan izan dira Les Preseko Marboleny taldearekin elkartrukean. Iragan asteko ostiraletik astelehenera izan dira Gironan, dantzaren bidez Euskal Herriko ondarekulturalaren zati txiki bat herrialde Katalanean zabalduz. Horrela, Euskal Herriko dantzak egiteaz gain, dantza katalanak ere ikasteko aukera izan dute gazteek.
Katalanak Euskal Herrian
Orain, elkartrukearen bigarren zatia egingo dute eta Marboleny Taldea Hondarribian eta Irunen izango da. Bihar iritsiko dira Irunera eta astelehen arte izango dira. 12 eta 14 urte arteko 22 gazte katalan. Horrela orain, Kataluniako kultura eskualdean zabalduko dute eta hainbat ekintza antolatu dituzte Irun eta Hondarribia artean.
Emanaldiak bihar eta etzi
Horrela, euskal eta katalan kultura trukaketa ikusteko aukera ere izango da ostiralean eta larunbatean Irun eta Hondarribian. Dantza taldeek emanaldiak egingo dituzte, eta gainera, animatzen denarentzako dantzatzeko aukera emango dute. ostiralean, arratsaldeko 18:00etan Irungo Zabaltza plazan Adaxka-Marboleny dantza trukaketa emanaldia izango da. Nahi duen guztiak parte hartu dezake bai euskal dantzak bai dantza katalanak ikasteko.
Larunbatean aldiz, 17:00etan kalejira izango da Hondarribiko kaletan zehar, eta jarraian, arratsaldeko 18:00etatik aurrera Adaxka eta Marbolenyren arteko dantza saioa egingo dute Erreginaren Baluartean.
