Hasi dira 2011ko madalenak. Arratsaldeko zazpietan puntuan eman diote sua txupinari Jose Luis Insausti eta Idoia Arbelaitz omenduek, eta jendea Errenteria Musika Kultur Elkarteko Banda jotzen ari zen Zentenarioa-rekin saltoka hasi da. Bilkura aretoan e...
Oiartzungo Euskara Elkartera egitasmoko elkarteek ekimen berria jarri dute martxan. Elkarteak hornitzen dituzten enpresei eskaera egin diete, beraiekin duten idatzizko harremana ere euskaraz izateko pausoak eman ditzaten. Ekimenean parte hartzen ari diren elkarteak, batez ere, auzoetako elkarte gastronomiko eta kulturalak dira, eta hornitzaileak, berriz, edariak, kafeak, olioak, edota garbiketa produktuak banatzen dituzten enpresak. Eskaera gutun bidez egin diete elkarteek, eta elkarteez gain, Ttur-tturrek eta Oiartzungo Udalak ere sinatu dute gutuna. Hilaren 12an bilera egin zuten, eta bilera horretan eman zizkieten gutunak bertaratu ziren hornitzaileei. Elkarteetako ordezkaritza bat, hornitzaile batzuk, Ttur-tturreko suspertzaile Axun Erzibengoa eta Udaleko euskara teknikari Aitziber Arnaiz izan ziren bileran. Euskara Elkartera egitasmoaren barnean, elkarte batzuk hornitzaileekin lotura duen konpromiso zehatz bat dute: “Bizpahiru hornitzaile ohikoenei idatzizko harremana euskaraz nahi dugula eskatuko diegu”. Hori oinarri hartuta, hornitzaileei honako eskaera egin diete, gutunaren bidez: “Komunikazio bide berri hori martxan jartzea gustatuko litzaiguke, eta hemendik aurrera zuekin dugun idatzizko harreman guztia euskaraz izatea: aurrekontuak, fakturak, entrega agiriak…”. Bileran izan ziren hornitzaileek jarrera positiboa erakutsi zuten, eta eskaerak aztertuko dituztela esan zuten, baita zein pauso emateko moduan diren ere. Ttur-tturreko suspertzaileak eta Udaleko ordezkariak adierazi zuten badakitela kasu bakoitza ezberdina dela, eta bakoitzak ahal duen neurrian aurrera egitea dela garrantzitsuena. Parte [...]
Txupinazoan egoteko aukerarik ez dutenek momentu hori ikusteko aukera, behintzat, izango dute OARSO BIDASOKO HITZA-ren eskutik. Arratsaldeko zazpiak puntuan, zuzenean udaletxetik, jaien hasiera ekitaldia emango du errenteria.hitza.info webgunean. Aurten Jose Luis Insausti eta Idoia Arbelaitz arduratuko dira txupina jaurtitzeaz. Gaur arratsaldetik aurrera hasiko dira madalenetako ekitaldi guztiak, eta txupinazoaren ostean, gaueko danborrada eta kontzertuak izango dira nabarmentzeko ekintzak. 22:30ean irtengo dira Alabergako Arditurri auzo elkarteko danborradako kideak, eta herriko kalean danbor doinuz josiko dituzte. Musikazaleek, berriz, hainbat kontzertu ikusi eta entzuteko aukera izango dute herriko zenbait tokitan: Vendeta eta Zea Mays ariko dira txosna gunean, Joxpa Erromeria euskal gunean, DJak Txintxarri Elkartean, DJ Nano Maria Lezo kalean eta Kresala taldea Zumardian. Gaurko egitaraua 16:00-18:45. Miniaturazko trenaren gaineko jardunaldia, Reina Aretoan. 18:00. Koadrilen igoera girotua, Agirre Lehendakariaren plazatik. Antolatzailea: Txosna Batzordea. 18:00-21:00. Animazioa, Gauerdi txarangaren eskutik. 19:00. Txupinazoa, jaien hasiera iragartzeko. Omenduak izango direnek botako dute: Idoia Arbelaitz Villaquiranek eta Jose Luis Insaustik. Bitartean, Errenteria Musika Kultur Elkarteko Bandak Zentenarioa pasodoblea joko du. Jarraian. Errenteriako Musika Kultur Elkartea eta Udal Txistulari Banda ermitatik atera eta herriko kaleetan barrena biliko dira, buruhandiekin eta erraldoiekin batera. 20:00. Salbea, Madalen ermitan, herriko agintariekin. 20:00. Jaiak hasteko pregoia, Txintxarri elkartean. 20:00-21:00. Dantza jaialdia, Gamon Zumardian, [...]
Ereintza Antzerki Taldeak Patchwork antzezlana aurkeztuko du etzi Errenteria Hiria Kulturgunean izango da 20:00etatik aurrera; umorezko esketxak antzeztuko dituzte
Txelui Morenok eta Miren Legorburuk elkartasuna adierazi diete pasa den astelehenetik Espainiako Auzitegi Nazionalean epaitzen ari diren Oarsoaldeko hamasei gazteei. Hamazazpi ziren hasieran baina horietatik bat, Imanol Sagarzazu kargurik gabe utzi zut...
Sanpedrotarra Arraun Elkarteko presidente Josetxo Aranbururi eta Portu Agintaritzari kargu hartu die udalak. San Miguel Ligaren barruan larunbatean San Pedrok antolatuko duen estropada diruz lagundu edo ez berriz aztertuko duela iragarri du udalak. Gobernu Taldeak ez ditu gustuko atzo estropadaren aurkezpenean jazotakoak. Kexu agertu da, estropada diruz lagundu arren, ez dituztelako aurkezpenera gonbidatu. “Prentsan irakurri dugu datorren larunbatean gure udalerrian TKE Ligako estropada bat jokatuko dela; izan ere, udala ez dute gonbidatu, laguntza materialak eta ekonomikoak ematen dituen arren”, kexatu dira. Portu Agintaritzaren “xantaia” Portu Agintaritzak herriko arraun elkarteei “xantaia” egiten diela iritzi dio Gobernu Taldeak, esan dutenez “gure herriko kirol elkarteak eta herrian egiten den hainbat ekitaldi erabiltzen dituelako proiektu zaharkitu baten aldeko propaganda egiteko”. Kanpo kaiaren aldeko babesa lortzeko asmoz Portu Agintaritzak “zitalkeriaz” jokatzen duela uste du udalak “funts publikoak erabiliz, arraun elkarteak kinka larrian jartzen dituelako: pasaitarrek gogor arbuiatutako proiektu baten alde egitera behartzen ditu, diru laguntzarik gabe geratu nahi ez badute”. Hausnartzeko eskaera Pasaiako Portu Berria I. Bandera du izena bihar San Pedrok antolatutako estropadak, eta aurkezpenean, Sanpedrotarra Arraun Elkarteko presidente Josetxo Aranburuk kanpo kaiaren aldeko defentsa sutsua egin zuen. “Lehendakariari ere kargu hartu nahi diogu”, adierazi du udalak, “joko zikin horretan parte hartzeaz gain, proiektuari [...]
Jak gozatu eta gozatzen uzteko deia egin du Berdintasun Kontseiluak Madalen jaiei begira
Santiago eguna ospatuko dute astelehenean Hondarribian eta kutxa entregaren usadioa egingo dute arrantzaleek arrantza oparoa izan dezaten. Aurten, Itxaso Ugartemendia Moreno izango da Santiago eguneko jaian, uztailaren 25ean, kutxa buru gainean eramang...
Atzo egin zuten Oarsoaldeko hamasei gazteren kontrako epaiketako aste honetako azkeneko saioa. Saio bikoitza izan zen, goizean eta arratsaldean deklaratu zuten poliziek. Guztira, Espainiako hemezortzi polizia zeuden deituta deklaratzera. Eta hamalauk deklaratu zuten. Goizean, lauk: lehenengo atxiloketetako arduradun nagusiak —Donostiako informazio brigadako buruak—; lehenengo sarekadako instruktoreak; Alex Etxeberria oiartzuarrari deklarazioa hartu zion sekretarioak, eta bigarren sarekadan, Gaizka Ibeas eta Iker Iraolaren atxiloketan pare hartu zuen instruktoreak. Alex Etxeberriari deklarazioa hartu zion idazkariak bideokonferentziaz deklaratu zuen, eta gainontzekoak epaiketa gelan izan ziren. Lehenengoak, Donostiako informazio brigadako buruak, Gazte Topagunea Segik antolatzen zuenik ezin dela frogatu onartu zuen. Horrez gain, gazte asanbladak Segik kudeatzen zituela frogatzen duen dokumentu objektiborik ere ez dutela onartu zuen. Gaineratu zuen bera dokumentuak sinatzera mugatzen zela, eta «konfiantza osoa» zuela bere lankideengan. Aginte mailan gainetik zegoen polizia ez zen agertu auzitegian. Bigarren poliziak, berriz, Oarsoaldeko sarekada Donostiako sarekadaren ondorio izan zela esan zuen. Gelatik kanpo Arratsaldeko saioa 16:00etarako deitua zuen epaileak, baina zertxobait beranduago hasi zen. Hamar poliziak deklaratu zuten. Xabier Lujanbioren atxiloketan parte hartu zuen poliziak deklaratu zuen lehenengo. Deklaratzen ari zela Lujanbio gelatik kaleratu zuten, antsietate krisiarekin, eta lekukoa den poliziari «torturatzaile» deitu ziolako. Arkaitz Anzak eta Iosu Arruabarrenak ere aretoa utzi behar izan zuten [...]
Madalenak direla eta Udal Kirol Instalazioak itxita egongo dira.
Motorren IAT Ibilgailuen Azterketa Teknikoa egiteko aukera izango da irailaren 6an eta 8an Oiartzunen, Irungo IAT zentroaren bidez. Bi egun horietan 08:30etik 13:30era izango da IAT pasatzeko aukera, Kontzejupean. Aldez aurretik ordua eskatu behar da U...
Kaiola txapelketako atariko jokatuko dute Fanderiako pilotalekuan.
Zaragozako jolas parkean eguna pasatzeko txangoa antolatu du Ascuregi elkarteak iganderako. Interesdunek 685 77 93 98 telefono zenbakira dei dezakete izena emateko.
Lumagorrik salatu du alkateak erlijio ekimenetan parte hartzeko erabaki hartu izana
Lezoko airearen kalitatea iazkoa baino okerragoa da 2011ko lehen sei hilabeteetan. Hala jaso du Polentzarrene kalean dagoen aire neurgailuak. Hamar mikrako diametroa baino gutxiago neurtzen duten material partikulatuak (PM10)dira Lezon kutsadura arazo gehien sortzen dituztenak. 102/2011 Errege Dekretuaren arabera, urtean gehienez 35 aldiz gainditu daiteke 50 mikragramo metro kubikoko eguneko batezbesteko PM10 kontzentrazioa. Iaz hamar egunetan gainditu zen kopurua, eta aurtengo lehenengo sei hilabeteetan hamabost aldiz gainditu da. Batez besteko PM10aren kopurua ere igo egin da. Iaz 25 mikragramo m3-ko izan zen batez bestekoa, eta aurten 30era iristen ari dira. Gehienezko kopurua 40 mikrogramokoa. Leire Beteta Ingurumen teknikariak azaldu duenez, Pasaiako Portuko zamalanek sortzen dute aire kutsadura gehien. Merkantzien karga eta deskarga lanak sortzen du hori, batez ere txatarraren manipulazioak, hauts partikula ugari botatzen baitu airera. Hala ere, aurtengo datuak ez dira 2002 eta 2005 urteen artekoak bezain larriak. Epe horretan “nabarmen” gainditu zuten muga. Datuak, webgunean Lezoko aire kutsaduraren datuak udalaren webgunean (www.lezo.net) ikus daitezke. Bertan, Zerbitzuak atalera jo behar da, eta hor Ingurumena Sailaren atalean sartu. Bertan lotura bat dago aire kutsaduraren datuak erakusten dituena. Eusko Jaurlaritzak kudeatzen du webgunea, Polentzarrene kaleko aire neurgailua bezala. Datuetara doan loturaz gain, 102/2011 Errege Dekretua ere kontsulta daiteke. Errege dekretu horrek [...]
Bihar ostirala, uztailak 22, urtero bezala, Maria Madalena auzoko jaiak ospatuko dituzte. Jai Batzordeak antolatuta eta Udaleko Kultura sailaren laguntzarekin egun osoko programa antolatu dute, haur, gazte eta helduentzat, eta meza, haur jolasak, afar...
Euskal Herriko Joko Garbi Txapelketan, haurretan, Txosteko pilotariek ezin izan dute finalera iritsi. Pasa den ostegunean jokatutako partidan, 40-21 galdu zuten Baigorriren kontra Baigorrin (Nafarroa Beherea). Urduritasunak alde batetik eta sakeak errestatzerakoan izandako huts andanak bestetik, eragotzi zieten oiartzuarrei finalera pasatzea. Piloteoan ongi aritu ziren, baina saketik 21 tanto jasotzea gehiegizkoa izan zen. Dena den, txapelketa aparta egin dute Txosteko pilotariek, eta zoriondu egin dituzte taldeko gainotzeko kideek. Izan ere, lehenengoz iritsi da Txost Euskal-Herriko Txapelketa baten finalaurrekoetara. Errebote txapelketa Euskal Herriko Errebote Txapelketan, bestalde, finala jokatu zuten pasa den ostegunean Hazparnen (Lapurdi), Helduen Mailan. Luzaz Gazte (Donibane Lohizune, Lapurdi) eta Azkaine aritu ziren elkarren kontra, eta lehenengoek 13-4 irabazi zuten. 5-4 egon baziren ere, borroka handi baten ondorioz, Donibanekoak nagusitu ziren, azkenean. Partidak bi ordu eta erdi iraun zuen. Finalean izan ziren Txost taldekoak diren bi pilotari: Peio Etxeleku (txapelduna Donibanerekin) eta Laurent Albiztur (txapeldunordea Azkainerekin). Biak izan ziren onenetarikoak euren taldeetan. Hurrengo lehiak Dagoeneko Frantziako Errebote Txapelketa jokatzen ari dira, biarnoarrak tartean. Enrike Abril Errebote Txapelketa, berriz, abuztuaren 28an hasiko da. Txapelketa hori Billabona, Zubieta eta Oiartzungo plazetan jokatzen dute Ipar Euskal Herriko eta Hego Euskal Herriko pilotariek. Txapelketa horretan parte hartuko du herriko Txost taldeak ere, bai [...]
Egitaraua Etzi, hilak 23, larunbata Guraso eta haurrentzat Gaubela, dorretxean. 20:30ean. Afaria. 22:00etan. Karaokea. Ondoren. Bertan lo egiteko aukera egongo da. Norberak bere afaria eta lotako gauzak eraman beharko ditu (zakua, esterila, pijama…). Hilak 24, igandea, Santio bezpera 11:00tan. Haur jolasak, eta bertaratzen diren guztien laguntzaz auzo apainduko dute. 19:00etan. Lertxunaren altxaerarekin Santio Jaiak hasiko dituzte. Jarraian. Haurtzaro Dantza Taldeak euskal dantzak eskaniko ditu lertxunaren aurrean, eta segidan buruhandiak ibiliko dira auzoan barrena, dultzaineroen laguntzaz. 21:30ean. Auzo afaria, Iturri Berri elkartean. Sarrerak salgai daude Gure Txoko tabernan eta Martin harategian. Afal ostean. Olatz eta Xabi musikariek giroa alaituko dute Iturri Berri elkartean. Hilak 25, astelehena Santio eguna 9:00tan. Goiz eresia, Oiartzungo Lartaun Txistulari Taldearekin. 10:30ean. Meza nagusia auzoko hildakoen omenez, Soroko gurutzean. 11:30ean. Idi-dema. Artola eta Mixiyuaren idi pareen arteko desafioa. 16:30ean. XXI.Kronoeskalada (3-15 urte). 18:30ean. Artzain txakur lehiaketa. Ondoren. Bokatak afaltzeko aukera. 22:30ean. Santioetako argazki zaharrekin egindako bideoaren emanaldia. Ondoren. Musika emanaldia, Oiartzungo Irati Odriozola eta Ane Badiola abeslarien eskutik. Hilak 27, asteazkena 14:00etan. Jubilatuen bazkaria, Iturri Berri elkartean. Hilak 29, ostirala 16:30ean. Gorriti show. Jarraian. Txokolate jatea bertaratzen direne guztientzat. 20:00etan. Presoen aldeko kartelada. 22:00etan. Bajinaren Bakarrizketak antzezlana. 22:00etan. Truk txapelketa, Iturri Berri elkartean. 22:00etan itxiko dute izen-ematea. [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
