Udaltzaingoak irudi berria estreinatu du
Hondarribiko Udaltzaingoak ibilgailu berriak estreinatu ditu eta bide batez, irudia aldatu egin dute. Hiru ibilgailu (SEAT Altea) erosi dituzte, 48.000 euroko inbertsioarekin. Horrela, Udaltzaingoak hiru ibilgailu, lau motor eta oraindik irudi aldaketa...
Hondarribiko Udaltzaingoak ibilgailu berriak estreinatu ditu eta bide batez, irudia aldatu egin dute. Hiru ibilgailu (SEAT Altea) erosi dituzte, 48.000 euroko inbertsioarekin. Horrela, Udaltzaingoak hiru ibilgailu, lau motor eta oraindik irudi aldaketa egina ez duen garabia bat dute. Ibilgailuen kanpoaldean herritarrek Udaltzainei deitzeko telefonoa ageri da, alegia, 092 telefono finkotik deituz gero, eta 943 111313 telefono finko nahiz sakelako telefonotik deitzeko.
“Udaltzainek zituzten ibilgailuak hondatuta zeuden, eta aldatu beharra zegoen” adierazi du Juan Mari Altunak, Zerbitzuetako zinegotziak. “Batez beste 300.000 kilometro zituzten, eta sei eta hamar urte bitartean. Berritzeko aurten aurrekontuetan bagenuen inbertsioetarako partida bat. Bide batez irudia ere aldatu dugu, eta urdinari eta zuriari eman diogu lehentasuna, Udal poliziek egiten ohi duten moduan”.
“Gainera, ibilgailuetan POLIZIA hitza jarri dugu argi, Eusko Jaurlaritzako Barne Sailaren gomendioak jarraituta. Euskaraz horrela idaztea zuzena da, eta oro har ulergarriagoa da. Orain arte Udaltzaingoa jartzen zuen, eta denek ez ulertzeko arriskua genuen” esan du ondoren Javier Altunak, udaltzainburuak.
