Elkartasun keinu xume eta hunkigarria
Bersarkada etorkizunari ekimena egin dute oarsoaldeko gazte auzipetuei babesa aadierazteko
Xumea antolatzaileen hitzetan eta hunkigarria. Halakoa izan zen oarsoaldeko gazte auzipetuei elkartasuna dierazteko herritar talde batek atzo egindako Besarkada Etorkizunari ekitaldia. Bideoak eman zion hasiera ekitaldiari. Bertan Oreretako 11 gazteak eta Oiartzungo seiak atxilotu zituzteneko irudiak, egunkarietako orriak atxiloketari buruz jasotakoak, aske atera ziren uneko irudiak, herrian izan ziren gertakizunak biltzen zituen ikusentzunezko dokumentuak eta lehenengo ilaran hamazazpi auzipetuetako hamaika.
“Datorren astelehenean hasita epaituko dituzten gazteei politikoki ezberdin pentsatzen dugunon artean eurekin gaudela adieraztea da ekitaldi honen helburua, agian iraganak banatzen gintuen baina etorkizunak batzen gaitu eta datorren astelehenean hasiko den hori iragana da” esa zuen Xabier Oleagak atzoko saioan. Halaber ekitaldia etorkizunari “egin nahi diogun besarkada” izan zela gaineratu zuen Oleagak: “zuei guztioi eta etorri ezin izan duten beste gazteei ematen dizuegun besarkada, zuekin gaudela eta ez garela indiferenteak gertatzen ari zaizuen horrekin esateko”.
Ondoren oholtza gainera igo ziren atzoko ekitaldian ziren eta astelehenetik aurrera Madrilen epaituko dituzten gazteak goraino beteta zegoen auditoriunaren txalo zaparradaren artean ekitaldiaren antolatzaileek beraiei eta senideei zuzendutako gutun irekia entzuteko. Dantzariak ere izan ziren atzoko ekitaldian eta agurra dantzatuta lore sorta eta horrekin batera, besarkada eman zieten auzipetutako gazteei.
Xabier Lujanbio mintzatu zen ondoren bertaratutako auzipetuen izenean. Hasteko Errenteria Hiria Kulturguneko auditoriunera bildutako herritar guztiei eskerrak eman zizkien. Atxiloketa gertatu zeneko garaia ekarri zuen gogora ostean:”2008ko apirilean herriko 22 gazteren bila etorri ziren gauaren iluntasunean, 22 etxe miatu, txikitu eta lagun eta senideengan beldurra zabaldu zen torturen mamuaren aurrean”. Garai berriak bizi ditugula zehaztu zuen Lujanbiok ondoren, eta “izu hauek lekurik ez dutela” gaineratu. Halaber, euskal herritarren aurkako jazarpenak bertan behera gelditu behar dutela, epaiketekin bukatu behar dela “pertsona ororen eskubide zibil eta politikoak bermatzeko bidean”. Bide “luze bezain gogor honetan” beraiekin egondako guztiei eskerrak eman zizkion berriro gazte auzipetuak eta denon artean “lortuko dugu” esanez amaitu zuen.
Bertaratutako guztiek eta auzipetuek Mikel Ugaldek atzoko ekitaldirako espreski sortutako bertsoak Xalabadorren Heriotzean doinupean elkarrekin abestuz amaitu zuten
Besarkada etorkizunari ekitaldia
.
