150 ekitaldi, etenik gabe
Txupinarekin batera festa lehertzeko azken orduak kontatzen ari dira oreretarrak. Hilaren 21ean arratsaldeko zazpietatik aurrera 150 ekitalditan parte hartzeko aukera izango dute etenik gabe, gorputzak ahal duen arte. Gaur, hain zuzen, guztiak xehe-xehe azaltzen dituen egitaraua aurkeztu dute udaleko ordezkariek: Julen Mendoza alkateak, Garazi Lopez de Etxezarreta Kultura zinegotziak eta Kontxi Bello Kultur teknikariak. EAJko zinegotzi batek eta PPko biek ere parte hartu dute ekitaldian. Lopez de Etxezarreta arduratu da egitarauaren xehetasunak emateaz. Egitarau “kontinuista” izan dela zehaztu du, eta gobernu berria sartu denerako hainbat gauza itxita zeudela. Hala ere, hainbat ekitaldirekin osatu dutela argitu du. Kultur elkarteek egindako ekintza ere nabarmendu du, egitaraua ia osorik eurek antolatutako ekintzekin osatu dutelako. Horrekin batera, omenduak zeintzuk diren gogorarazi du: Jose Luis Insausti eta Idoia Arbelaitz Errenteria-Oreretan kulturaren eta euskararen alde egindako lanarengatik. Ekitaldiei dagokienez, aldaketa batzuk egon direla ohartarazi du Kultura zinegotziak; alegia, programan azaltzen dena ordezkatuko dutenak. Esate baterako, hilaren 23an idi demak arratsaldean soilik izango direla agertzen da egitarauan, baina goizean eta arratsaldean izango direla argitu du: 12:00etan eta 18:00etan, Pontika auzuan (garai bateko Gecotorren). Bigarren aldaketa, dantza sueltoko txapelketarena da. Hilaren 25eko ekimena, bertan behera utzi dute, eta maila guztietan hilaren 24ean egingo dute txapelketa, 18:30ean Xabier Olaskoaga [...]
Txupinarekin batera festa lehertzeko azken orduak kontatzen ari dira oreretarrak. Hilaren 21ean arratsaldeko zazpietatik aurrera 150 ekitalditan parte hartzeko aukera izango dute etenik gabe, gorputzak ahal duen arte. Gaur, hain zuzen, guztiak xehe-xehe azaltzen dituen egitaraua aurkeztu dute udaleko ordezkariek: Julen Mendoza alkateak, Garazi Lopez de Etxezarreta Kultura zinegotziak eta Kontxi Bello Kultur teknikariak. EAJko zinegotzi batek eta PPko biek ere parte hartu dute ekitaldian.
Lopez de Etxezarreta arduratu da egitarauaren xehetasunak emateaz. Egitarau “kontinuista” izan dela zehaztu du, eta gobernu berria sartu denerako hainbat gauza itxita zeudela. Hala ere, hainbat ekitaldirekin osatu dutela argitu du. Kultur elkarteek egindako ekintza ere nabarmendu du, egitaraua ia osorik eurek antolatutako ekintzekin osatu dutelako. Horrekin batera, omenduak zeintzuk diren gogorarazi du: Jose Luis Insausti eta Idoia Arbelaitz Errenteria-Oreretan kulturaren eta euskararen alde egindako lanarengatik.
Ekitaldiei dagokienez, aldaketa batzuk egon direla ohartarazi du Kultura zinegotziak; alegia, programan azaltzen dena ordezkatuko dutenak. Esate baterako, hilaren 23an idi demak arratsaldean soilik izango direla agertzen da egitarauan, baina goizean eta arratsaldean izango direla argitu du: 12:00etan eta 18:00etan, Pontika auzuan (garai bateko Gecotorren). Bigarren aldaketa, dantza sueltoko txapelketarena da. Hilaren 25eko ekimena, bertan behera utzi dute, eta maila guztietan hilaren 24ean egingo dute txapelketa, 18:30ean Xabier Olaskoaga plazan. Aldaketa parte hartze murritzagatik egin dutela zehaztu dute.
Bestalde, egitarauak jaso nahi dituenak astelehenetik aurrera egin ahalko du udaletxeko arkupeetan 09:00etatik 13:30era. Ohiko tokietan ere eskuragarri egongo dela jakinarazi du: liburutegian, kiroldegietan… Egitarau osoa udalaren webgunean ere aurki daiteke.
