Egitarau zabala prestatu du Gabierrotako jai batzordeak astebururako. Izan ere etzi hasita igandera arte jaietan murgilduko baita auzo hori.
Txupinazoak emango die hasiera jaiei 10:31ean eta ondoren buruhandiak ibiliko dira auzoko kaleetan barrena. Goiz partean haurrak izango dira jaien protagonista buruhandien ostean, haur jokoak antolatu baitituzte auzoko txikienentzat. Arratsaldez berriz, Tatxin-Tatxan pailazoak ariko dira txikienen gozagarri ping-pong txapelketaren ostean. Halaber jaien lehenengo egunerako DJ-a eta Gorka Aginagalderen bakarrizketa antolatu dituzte.
Los correos eta Los del Gas
Etzidamu goizean kirol txapelketak izango dira nagusi, saskibaloia eta areto futbola hain zuzen ere. Arratsaldean berriz, apar jokoa antolatu dute eta magia ikuskizuna. Gauerdia baino ordu laurden lehenago kontzertuen txanda helduko da. Los Correos eta Los Del Gas taldeak ariko dira piramidean. Lehenengoek Donostia hiria 2009 pop -rock lehiaketa irabazi zuten eta No es lo que parece diska aurkeztuko dute. Bigarrenek berriz, Repoker de gases bira berria aurkeztuko dute etzidamu emango duten kontzertuan.
Igandean berriz, kale antzerkia egingo du Trapu Zaharra taldeak eguerdian eta arratsaldean Juantxo Fernandez de Gorostiza mus oroitaldia jokatuko dute Bi-errota elkartean.
Bazkaria Tolaren
Laguntasuna erretiratuen elkarteak etzidamurako prestatu du jai egitaraua. Eguerdian meza izango dute zaharren egoitzan eta ondoren bazkaria egingo dute Tolaren. Bertan aurten 80 urte beteko dituzten bazkideei omenaldia egingo diete eta dantza eta bingoa ere ez dira faltako.
Honakoa da gabierrotako jai batzordeak datorren astebururako prestatu duen jai egitaraua:
Etzi, ostirala 15
09:00etan: Balkoi loretsua lehiaketa egingo dute eta balkoirik deigarriena saritu.
10:31ean: Txupinazoa eta jaien hasiera. Ondoren buruhandiak ibiliko dira auzoko kaleetan
barrena.
11:03ean: Haur Jokoak txikienentzat.
16:36an: Apar jokoa.
17:38an: Haurrentzako askaria.
18:31n: Miss eta Mister Gabierrota aukeratzeko haurren lehiaketa egingo dute. gehienez 12 urtekoak hartu dezakete parte.
18:34ean: Ping-pong txapelketa.
19:06an: Tatxin Tatxan pailazoak.
22:32ean: DJ-a.
22:59an: Zezensuzkoa
23.16an: Gorka Aginagaldeen bakarrizketa.
Etzidamu, larunbata 16:
10:00etan: 3X3 saskibaloi txapelketa.
11:00etan: Haurren areto-futbol txapelketa.
12:00etan: Grafitigilea.
17:00etan: Antzerkia Retama taldearekin.
17:30ean: Mahai futbol txapelketa Tejada tabernan.
18:00etan: Apar festa
19:00etan: Magia ikuskizuna txikientzat.
22:30ean: Danborrada auzoko kaleetan barrena.
23:00etan: Zezensuzkoa.
23:45ean: Los Correos eta Los del Gas taleen kontzertua piramidean.
Igandea 17:
12:00etan: Pote eta Toka txapelketak.
12:30ean: Kale antzerkia Trapu Zaharra taldearekin.
17:00etan: Juantxo Fernandez de Gorostiza mus oroitaldia Bi-errota elkartean.
17:00etan: Haurren danborrada.
18:30ean: Dantza garaikideren erakustaldia.
17:30ean: Capoeira.
23:00etan: Jai amaierako petardo sorta piramidearen parean.
