Arku jaurtiketa txapelketa izango da larunbatean
Ostadar arku jaurtiketa taldeak I. Errenteria Hiria Arku Jaurtiketa Txapelketa antolatu du larunbat honetarako. Fanderiako futbol zelaian jokatuko dute, 15:15etik aurrera, eta Gipuzkoako eta Euskadiko txapeldunak ikusteko aukera izango da. Arkua jaurti...
Ostadar arku jaurtiketa taldeak I. Errenteria Hiria Arku Jaurtiketa Txapelketa antolatu du larunbat honetarako. Fanderiako futbol zelaian jokatuko dute, 15:15etik aurrera, eta Gipuzkoako eta Euskadiko txapeldunak ikusteko aukera izango da.
Arkua jaurtitzen dutenek Seria FITA 2×70 egin beharko dute; alegia, 36 gezitako bi serie bota beharko dituzte 70 metrotara jarrita egongo diren dianetara. Sei gezitako tanda bakoitza egiteko arkulariek lau minutu izango dituzte gehienez.
Parte hartzaileen artean Gipuzkoako txapeldunak, Aire Libreko Euskadiko txapelduna, Aretoko Gipuzkoako txapeldun eta txapeldunordea eta Aretoko Euskadiko txapeldunordeak ikusteko aukera izango da; baita Aire Libreko Euskal Ligako txapelduna eta Espainiako Aire Libreko Kadete Ligako lehen jardunaldiko garailea ere.
Gipuzkoako Arku Jaurtiketako Federazioaren laguntza ere izan du Ostadarrek, eta telebista monitore bat utziko die. Horren bidez, partiden gaineko informazio guztia jakin ahal izango dute ikusleek, puntuazioak denbora errealean. Bitartean, Ostadar taldeko kide batek esatari lanak egingo ditu.
Lehia hasi aurretik, goizean zehar, arku tiraketa ezagutu eta praktikatzeko aukera izango du Fanderian bertan, 11:30etik 13:00etara.
