Kirol ikastaroetan izena emateko epea ireki dute
Hil hasieratik izena eman daiteke datorren denboraldiko kirol ikastaroetan. Urrian hasiko dira Fanderiako zein Galtzarabordako udal kiroldegietan ikastaro horiek. Ohiko jarduerez gain, berriak ere izango dira helduentzat: spinning+ tono, body balance (...
Hil hasieratik izena eman daiteke datorren denboraldiko kirol ikastaroetan. Urrian hasiko dira Fanderiako zein Galtzarabordako udal kiroldegietan ikastaro horiek. Ohiko jarduerez gain, berriak ere izango dira helduentzat: spinning+ tono, body balance (gimnasia arina, yoga, tai-chi eta pilatesen arteko nahasketa), box tonic (borroka kiroletako eta tonifikazio intentsiboko mugimenduetan oinarritutako koreografia) eta circuit training. Ohiko ikastaroak, berriz, aerobika, spinning, tai-chi eta intervaltono izango dira.
Era berean, goizeko ordutegian ere eskainiko dituzte aurten jarduera batzuk: aerobika, intervaltono eta circuit training. Goizean joan nahi izanez gero, Kirol Goiza izeneko jardueran eman beharko dute izena. Behin apuntatuta goizeko ordutegian eta talde guztietan parte hartu ahal izango dute mugarik gabe.
Gazteek, berriz, dantza eskola, gimnastika erritmikoa, karatea eta igeriketa ikastaroetan izena eman ahalko dute.
Horretarako, Galtzarabordako edo Fanderiako kiroldegietatik pasatu beharko dute edo 943 44 96 00 edo 943 34 44 23 telefono zenbakietara deitu. Horrez gain, Udal Patronatuaren webgunera ere jo daiteke. Antolatzaileek gogorarazi dute plazak mugatuta daudela, ezin izango direla gainditu, eta izena emateko ordena errespetatuko dela. Eskaeraren arabera, denboraldian zehar ordutegia eta eskola moldatu daitezke.
