Nahikari Otermin (EAJ): «Eguneko dedikazioa beharrezkoa da»
«Oposizio on bat egiteko eguneko dedikazioa beharrezkoa da, eta hau ez da posible eguneko dedikazioa kenduz, are gehiago talde politikoen idazkaririk ez badago». EAJko eledun Nahikari Oterminen adierazpenak dira, lehengo astean egin zen lehen udalbatzarrean hartutako neurrien gainean emandako balorazioan esandakoak. Oterminen iritziz, «gastu murrizketa zinegotzien soldatak jaitsiz bakarrik lortzen da, eta ez soldata kenduz, honek oposizioa beraren ezabatzea ere ekarriko bailuke». Horrez gain, oposizioak gastu murrizketa babestu zuela nabarmendu nahi izan du Oterminek: «Talde politikoen idazkariak kenduz, talde politikoei eta zinegotziei esleipenak erdira jaitsiz, eta erabateko dedikazioagatik soldatak, Udalhitzen 21. mailatik 14. mailara jaitsiz». «Jarrera itxia» Bilduren jarrera kritikatu du EAJk: «Bilduk gai honetan bakarrik jokatu nahi izan du, gutxiengoan dagoela kontuan hartu gabe, oposizioarekiko, legealdi hasiera honetan, elkarrizketarako jarrera itxia azalduz». Gauzak beste modu batez egin zitezkeela iritzi dio Oterminek: «Ziur gaude, udaletxeko alderdi guztien arteko adostasuna posible izango litzatekeela gobernuak gutxieneko borondatea azaldu izan balu, Errenterian gertatu dena kasu». Soldatak finkatzeko irizpidearen kontra «Ulergaitza» deritzo EAJk zinegotzien soldatak finkatzeko ezarritako irizpideari. Ordainsariak zinegotziek beren aurreko lanean zuten soldataren araberakoak izatea ez du «inondik inora ulertzen» EAJk, «lan bera modu ezberdinean ordainduko dela esan nahi duelako» .
«Oposizio on bat egiteko eguneko dedikazioa beharrezkoa da, eta hau ez da posible eguneko dedikazioa kenduz, are gehiago talde politikoen idazkaririk ez badago». EAJko eledun Nahikari Oterminen adierazpenak dira, lehengo astean egin zen lehen udalbatzarrean hartutako neurrien gainean emandako balorazioan esandakoak. Oterminen iritziz, «gastu murrizketa zinegotzien soldatak jaitsiz bakarrik lortzen da, eta ez soldata kenduz, honek oposizioa beraren ezabatzea ere ekarriko bailuke».
Horrez gain, oposizioak gastu murrizketa babestu zuela nabarmendu nahi izan du Oterminek: «Talde politikoen idazkariak kenduz, talde politikoei eta zinegotziei esleipenak erdira jaitsiz, eta erabateko dedikazioagatik soldatak, Udalhitzen 21. mailatik 14. mailara jaitsiz».
«Jarrera itxia»
Bilduren jarrera kritikatu du EAJk: «Bilduk gai honetan bakarrik jokatu nahi izan du, gutxiengoan dagoela kontuan hartu gabe, oposizioarekiko, legealdi hasiera honetan, elkarrizketarako jarrera itxia azalduz». Gauzak beste modu batez egin zitezkeela iritzi dio Oterminek: «Ziur gaude, udaletxeko alderdi guztien arteko adostasuna posible izango litzatekeela gobernuak gutxieneko borondatea azaldu izan balu, Errenterian gertatu dena kasu».
Soldatak finkatzeko irizpidearen kontra
«Ulergaitza» deritzo EAJk zinegotzien soldatak finkatzeko ezarritako irizpideari. Ordainsariak zinegotziek beren aurreko lanean zuten soldataren araberakoak izatea ez du «inondik inora ulertzen» EAJk, «lan bera modu ezberdinean ordainduko dela esan nahi duelako» .
EAJko bozeramaile Nahikari Otermin
