Joko garbi eta erreboteko lehiak azken txanpan sartu dira
Euskal Herriko Joko Garbi (plazakoa) eta Erreboteko txapelketak azken txanpan daude. Joko Garbi Txapelketan, Txosteko pilotariak finalaurrekoetara pasatu dira. Final-laurdena astelehenean jokatu zuten Beheko plazan Txostek eta Bidaxunek. Oiartzuarrek 4...
Euskal Herriko Joko Garbi (plazakoa) eta Erreboteko txapelketak azken txanpan daude. Joko Garbi Txapelketan, Txosteko pilotariak finalaurrekoetara pasatu dira.
Final-laurdena astelehenean jokatu zuten Beheko plazan Txostek eta Bidaxunek. Oiartzuarrek 40-32 irabazi zuten.
Partida oso borrokatua izan zen, bi taldeak ongi aritu ziren. Markagailua parekatua izan zen ia partida osoan (30 – 30), baina azken txanpan oiartzuarrak amaiera bikaina eman zioten.
Txostekoek finalaurrekoan sartzea lortu dute. Meritu handia eman behar zaie Ibai Telletxea, Xabier Ondaro eta Yosu Leoneti, oso liga zaila eta lehiatua izan baita. Hamar taldeko bi multzotan jokatu dute, eta bere taldeko bigarrenak izan dira —partida bakarra galdu dute ligan—.
Erreboteko finala igandean 10:30ean izango da, Hazparneko plazan (Lapurdi). Luzaz Gazte (Donibane Lohizune) eta Azkaine ariko dira elkarren kontra. Txost taldeko bi pilotari ariko dira lehian: Peio Etxeleku Luzaz Gazten eta Laurent Albistur Azkainen.
