Nikaraguan haurren bi futbol talde sortzeko laguntza
Ilargi Beltza gobernuz kanpoko erakundea hainbat proiektu egiten ari da Nagarote herrian, Nikaraguan. Azken proiektuan, Nagaroten haurren bi futbol talde sortzea aurreikusi dute: 20 haur izango ditu talde bakoitzak, eta mistoak izango dira. Horretarako...
Ilargi Beltza gobernuz kanpoko erakundea hainbat proiektu egiten ari da Nagarote herrian, Nikaraguan. Azken proiektuan, Nagaroten haurren bi futbol talde sortzea aurreikusi dute: 20 haur izango ditu talde bakoitzak, eta mistoak izango dira.
Horretarako, Realak 8-14 urteko haurrentzako ekipamendua eman die, baita hainbat baloi ere. Musti peñaren elkarlanari esker lortu dituzte dohaintza horiek Ilargi Beltzako kideek.
Abuztuan jasoko dute material hori Nikaraguako haurrek, herritik eta inguruetatik hara joango diren zazpi lagunen eskutik. Elkarteko boluntarioak dira denak. Horrez gain, han aurrera eramaten ari diren proiektuen jarraipena egingo dute eta garapenean lagundu. Realak hitza eman die elkartekoei urtero lagunduko diela materiala eta ekipamendua berritzen. Proiektua finkatzen denean ere laguntzen jarraituko dutela jakinarazi diete Realko kideek Ilargi Beltzako elkarteei. Babesleren baten laguntza ere behar dute, botak edo kirola egiteko oinetakoak erosteko edota dohaintzat emateko. Horrez gain, beste laguntza txiki bat ere nahiko lukete, bi talde horiek denboraldian zehar izan ditzaketen gastuak ordaindu ahal izateko.
Interesa duten norbanakoek, komertzioek edota enpresek, Ilargi Beltza erakundearekin jarri behar dute harremanetan, telefono zenbaki honetara deituta: 665 70 88 47 (Andoni).
