Bilera deitu dute eskualdeko gazte auzipetuek
Bilera deitu dute eskualdeko gazte auzipetuek
Ekainaren 27an Bateragunearen auziaren barnean Errenteria-Oreretako Sonia Jacinto euskal presoa batetik eta uztailean oarsoaldeko hamazazpi gazteren aurkako epaiketak hasiko direla eta, bilera deitu dute etziko eskualdeko gazte auzipetuek. Xenpelar Etxean egin dute hitzordua etzi, 19:30etik aurrera eta bertan parte hartzeko deia egin diete herritarrei.
“Euskal Herrian hamarkadaz luzatu den gatazka, bortizkeria eta errepresio egoera gainditzeko aurrekaririk gabeko momentuak” bizi direla esatearekin batera “helburu horrekin azken hilabeteotan sektore politiko garrantzitsuek, gehiengo sindikalak, hamaika gizarte eragilek eta milaka euskal herritarrek” hartutako konpromisoa nabarmendu dute eta baita “ ETA erakundeak irailetik hona egindako iragarpenak, bide honetan aurrera egiteko beharrezkoak izan direnak”.
Halaber, gazte horien ustez “ Espainiako Gobernuak erakutsi duen jarrerak talka egin du atzeraezinak diren urrats hauekin” eta horregatik atxiloketa, epaiketa eta tortura kasuen aurrean konpromisoak biderkatzeko duten borondatea agertu dute.
Gatazka baten konponbide pozesuan atxiloketa eta torturak egoteari onartezina iritzi diote eskualdeko gazteek eta Espainiako Gobernuari “behingoz errepresio politika aldatu eta konponbiderako pausuak emateko” eskatu diote. Amaitzeko, “eskuak gurutzatuta gelditzeko prest” ez daudela eta “gaurtik aurrera errepresioaren aurrean urrats eta konpromiso berriak” hartuko dituztela zahaztu dute eskualdeko gazteek eta “prozesu demokratikoa bururaino eramateko” lanean jarrituko dutela gaineratu dute.
