Musikagileak bandarako konpositoreentzako lehiaketa antolatu dute lehen aldiz
Musika konpositoreek euren lanak ezagutzera emateko aukera bikaina izango dute Musikagileak Nazioarteko I. Bandarako Musika Konposizio Sariketaren bidez. Lehiaketa irekia izango da, eta irabazleak egindako lana datorren urteko Musikasten estreinatuko dute. Lehiaketa hainbat erakunderen elkarlanaren arteko emaitza izan da: EMKE Errenteriako Musika Kultur Elkartea, Eresbil Musikaren Euskal Artxiboa eta erakunde publikoak (udala, aldundia eta Jaurlaritza). Hain zuzen, gaur izan dira aurkezpenean erakundeetako ordezkari batzuk. Josu Mitxelena EMKEko bandako zuzendariak azaldu duenez, bandan sortu zen ideia, eta handik Eresbilengana jo zuten ideia garatu eta martxan jarri ahal izateko. Mitxelenaren arabera, musika herriarenagana eramateko lehen urratsa direla bandak, eta horiek “suspertu eta indartu” egin behar direla, eta horretarako obra berriak behar dituztela. Euskal Herrian dagoen konposizio berrien hutsunea betetzeko lehiaketa garrantzitsua izango dela iritzi dio, eta bide batez, musikari berriek euren lana ezagutzera emateko. Jon Bagues Eresbileko zuzendariak ere ildo horri jarraitu dio, eta esan du, bandaren errepertorioa handitu beharra dagoela. Izan ere, egungo bandek batik bat XX. mende hasieran konposatutako abestiak jotzen dituztela azaldu du, eta beranduegi bada ere, egitasmo horren bidez kopurua eta maila ere handitzera iritsiko direla uste du. Bestalde, ekimen horretan izan den elkarlana ere garrantzitsutzat jo du Eresbileko zuzendariak. Itziar Bilbao SGAEko ordezkariak ere parte hartu du [...]
Musika konpositoreek euren lanak ezagutzera emateko aukera bikaina izango dute Musikagileak Nazioarteko I. Bandarako Musika Konposizio Sariketaren bidez. Lehiaketa irekia izango da, eta irabazleak egindako lana datorren urteko Musikasten estreinatuko dute.
Lehiaketa hainbat erakunderen elkarlanaren arteko emaitza izan da: EMKE Errenteriako Musika Kultur Elkartea, Eresbil Musikaren Euskal Artxiboa eta erakunde publikoak (udala, aldundia eta Jaurlaritza). Hain zuzen, gaur izan dira aurkezpenean erakundeetako ordezkari batzuk.
Josu Mitxelena EMKEko bandako zuzendariak azaldu duenez, bandan sortu zen ideia, eta handik Eresbilengana jo zuten ideia garatu eta martxan jarri ahal izateko. Mitxelenaren arabera, musika herriarenagana eramateko lehen urratsa direla bandak, eta horiek “suspertu eta indartu” egin behar direla, eta horretarako obra berriak behar dituztela. Euskal Herrian dagoen konposizio berrien hutsunea betetzeko lehiaketa garrantzitsua izango dela iritzi dio, eta bide batez, musikari berriek euren lana ezagutzera emateko.
Jon Bagues Eresbileko zuzendariak ere ildo horri jarraitu dio, eta esan du, bandaren errepertorioa handitu beharra dagoela. Izan ere, egungo bandek batik bat XX. mende hasieran konposatutako abestiak jotzen dituztela azaldu du, eta beranduegi bada ere, egitasmo horren bidez kopurua eta maila ere handitzera iritsiko direla uste du. Bestalde, ekimen horretan izan den elkarlana ere garrantzitsutzat jo du Eresbileko zuzendariak.
Itziar Bilbao SGAEko ordezkariak ere parte hartu du aurkezpenean, eta bandek musika klasikoa jendartera zabaltzeko egiten duten lana nabarmendu du, eurek direlako halako musika entzutera bultzatzeko lehen urratsa.
Oinarriak
Antolatzaileek azaldu dutenez, lehiaketa irekia izango da, eta nazioarte mailako autoreek parte hartuko duten arren, euskal konpositoreak ere kontuan izango dituztela. Hala, euskal lanik onenarentzako ere saria izango dela zehaztu dute.
Gaiari dagokionez ere irekia izango dela esan dute, baina hori bai, zein musika tresnei zuzenduta egongo den erabakitzea zaila izaten denez, Errenteriako Musika Bandaren instrumentazioa jarri dute oinarrian. Lanek gutxienez, 10 minutu iraun beharko dutela azaldu dute, eta gehienez 15. Horiek azaroaren 30a baino lehen aurkeztu beharko dira. Edonola ere, oinarri guztiak Musikagileak lehiaketaren webgunean topa daitezke.
