Musika eskolako ikasleen ikasturte bukaerako kontzertuak, azken txanpan
Tomas Garbizu Musika Eskolako ikasleek ikasturte bukaeran ematen dituzten kontzertuak azken txanpan sartu dira. Astelehenean hasi ziren, eta datorren asteartean bukatuko dira. Gaur arratsaldean, 18:00etatik aurrera, abesbatzaren eta klarinete ikasleen ...
Tomas Garbizu Musika Eskolako ikasleek ikasturte bukaeran ematen dituzten kontzertuak azken txanpan sartu dira. Astelehenean hasi ziren, eta datorren asteartean bukatuko dira. Gaur arratsaldean, 18:00etatik aurrera, abesbatzaren eta klarinete ikasleen txanda izango da. Gezala Auditoriumean izango da kontzertua. Ordubete beranduago, akordeoi ikasleak ariko dira, musika eskolan kasu horretan. 19:30ean, piano kontzertua entzuteko aukera izango da Gezalan.
Astelehenean, toki berean, oboeko eta flautako ikasleak ariko dira, 17:30etik aurrera. Bi ordu beranduago, gonbidatuak izango dituzte: Hondarribiko klarinete bandak kontzertua emango du. Ordu berean, baina musika eskolan, biolontxelo ikasleak ariko dira. Kontzertu zikloa bukatzeko ardura gitarra ikasleek izango dute. Gezalan ariko dira, 18:00etatik aurrera.
