Festa eta auzolana uztartuz Alabortza Eguna ospatuko dute etzi sanjuandarrek
Helburua lortzeko gertu egonagatik, herritarrak parte hartzera deitu ditu Bonantza Auzo Elkarteak. Konturatzerako zazpi urte igaro dira Bonantza Auzo Elkartearen ekimenez sanjuandarrek urtero puntetako hondartza garbitzeko biltzea erabaki zutenetik. Udaren atarian, puntetan bildu eta palak eskuan hondartza garbitzen dute herritarrek, auzolanean, festa giroan… Harriak jaso, zaborra bildu, plastikoak atera… Zazpi urte ez dira alferrik igaro. Puntetako eremua herritarren aisialdirako esparru gisa berreskuratzea izan da helburua hasieratik, eta urte hauetan guztietan ereindakoak eman du fruitua. «Gauzak ez dira guk nahi bezain azkar mugitu, baina poliki bada ere, urratsak egin dira azken hilabete hauetan, eta benetan uste dugu atzera bueltarik ez duen egoera gaudela», dio Bonantza Auzo Elkarteak prentsa oharrean. 2009an sinatu zuten Udalak eta Diputazioak lankidetza hitzarmena Alabortza herritarren erabilerarako prestatzeko helburuz, eta aurten, herritarren ekarpenak jaso eta gero proiektua idatziko duen enpresa aukeratu du Udalak. Urpean igeri egiten ikasteko aukera Proiektua gauzatzeko bidean dago, baina gauzatu bitartean deialdiari eutsiko dio Bonantza Auzo Elkarteak. «Berretsi nahi dugu 2012ko uda sasoirako bere onera ekarritako Alabortza ikusteko konfiantza osoa daukagula», diote ziurtasunez. 10:30ean bilduko dira Puntetan, eta hondartza eta ingurua garbitu eta gero, bazkaria, jokoak eta festa izango dira Puntetan. Hala nahi duten haurrek urpean igeri egiten ikasteko aukera izango dutela iragarri dute [...]
Helburua lortzeko gertu egonagatik, herritarrak parte hartzera deitu ditu Bonantza
Auzo Elkarteak.
Konturatzerako zazpi urte igaro dira Bonantza Auzo Elkartearen ekimenez sanjuandarrek urtero puntetako hondartza garbitzeko biltzea erabaki zutenetik. Udaren atarian, puntetan bildu eta palak eskuan hondartza garbitzen dute herritarrek, auzolanean, festa giroan… Harriak jaso, zaborra bildu, plastikoak atera…
Zazpi urte ez dira alferrik igaro. Puntetako eremua herritarren aisialdirako esparru gisa berreskuratzea izan da helburua hasieratik, eta urte hauetan guztietan ereindakoak eman du fruitua. «Gauzak ez dira guk nahi bezain azkar mugitu, baina poliki bada ere, urratsak egin dira azken hilabete hauetan, eta benetan uste dugu atzera bueltarik ez duen egoera gaudela», dio Bonantza Auzo Elkarteak prentsa oharrean.
2009an sinatu zuten Udalak eta Diputazioak lankidetza hitzarmena Alabortza herritarren erabilerarako prestatzeko helburuz, eta aurten, herritarren ekarpenak jaso eta gero proiektua idatziko duen enpresa aukeratu du Udalak.
Urpean igeri
egiten ikasteko aukera
Proiektua gauzatzeko bidean dago, baina gauzatu bitartean deialdiari eutsiko dio Bonantza Auzo Elkarteak. «Berretsi nahi dugu 2012ko uda sasoirako bere onera ekarritako Alabortza ikusteko konfiantza osoa daukagula», diote ziurtasunez.
10:30ean bilduko dira Puntetan, eta hondartza eta ingurua garbitu eta gero, bazkaria, jokoak eta festa izango dira Puntetan. Hala nahi duten haurrek urpean igeri egiten ikasteko aukera izango dutela iragarri dute antolatzaileek.
