Aiton Bordako abesbatzak herrian abestu du
Aiton Borda Lezoko erretiratuen egoitzak abesbatza osatu du. Pasa den larunbatean aurkezpen kontzertua eskaini zuten mendekosteen egitarauaren barnean. Hala ere, aurretik, emanaldi bat egina zuten Ordiziako abesbatzen topaketan. Gezala Auditoriumean em...
Aiton Borda Lezoko erretiratuen egoitzak abesbatza osatu du. Pasa den larunbatean aurkezpen kontzertua eskaini zuten mendekosteen egitarauaren barnean.
Hala ere, aurretik, emanaldi bat egina zuten Ordiziako abesbatzen topaketan. Gezala Auditoriumean eman zuten kontzertua bigarrena izan zen, eta herkideen aurrean aurkezteko balio izan zien. Joxe Miguel Amianok zuzendu zuen abesbatza.
Iazko urrian erabaki zuten Aiton Bordakoek abesbatza sortzea. Euren asmoa “kantuarekin disfrutatzea eta herrian izaten diren ekintzetan parte hartzea” besterik ez dela adierazi dute abesbatzako kideek. Beste hainbat herrietan kontzertuak ematea ere espero dute Aiton Bordako kideek.
Euskarazko errepertorioa
Pasa den larunbatean Trintxerpeko jubilatuen abesbatzarekin eman zuten kontzertuan abesti guztiak euskaraz kantatu zituzten. Honako hauek izan ziren abestu zituztenetako kantu batzuk: Elurra teilatuan, Nerea izango zen, Oriko xoria, Baratze bat, Goizian argia hastian edo Jaiki, jaiki.
