Pasaian bakarrik gobernatuko du Bilduk, unean uneko akordio bila
PPrekin izan ezik, ordezkaritza lortu duten gainontzeko alderdi guztiekin izan dira Bilduko hautetsiak. Programaren araberako akordio puntualetara iristeko asmoz, baina bakarrik. Hala gobernatuko dute Pasaian Bilduk lortu dituen zortzi zinegotziek. Udalean ordezkaritza lortu duten alderdiekin egiteke zuen erronda bukatu du honezkero Bilduk. Amaia Agirregabiria alkategaiak aipatu bileretan beren eskaintza zein izan den argitu du: «Gure jarrera alderdi guztiekin bera izan da: irekitzearen aldekoa, Udala guztion artean egitearen aldeko apustua egin dugu, eta hori argi utzi diegu guztiei». Alderdi guztiek, ordea, ez diete harrera bera egin. PSE-EErekin egin zuten lehen bilera, lehengo maiatzaren 31ean. «Argi utzi ziguten azkenaldian mantendu duten jarrera bera mantenduko dutela, ezetzaren jarrera, eta ez dutela inongo posizio aldaketarik egingo», adierazi du Agirregabiriak. EBrekin eta EAJrekin ere izan dira, lehengo asteartean. «EBrekin akordio ideologikoetara iristea ezinezkoa litzateekela» argitu du Bilduren buruak, «baina programatikoetan akordioetara iritsi» daitezkeela iragarri du. Oraingoz, ordea, ez dute halakorik itxi: «printzipioz akordio zehatzik ez dugu. Horiek lantzen ari gara, baina oraindik ez ditugu», zehaztu du. EAJrekin izandako bileran EBrekin izandakoan baina kontu gutxiago zehaztu zituztela argitu du Agirregabiriak. Hala ere, baikorra da balorazioa: «Errespetuzko jarrera agertu ziguten eta baita guk haiei ere», jakinarazi du. PPri ere luzatu diete bilera egiteko gonbidapena, baina ez dute [...]
PPrekin izan ezik, ordezkaritza lortu duten gainontzeko alderdi guztiekin izan dira Bilduko hautetsiak.
Programaren araberako akordio puntualetara iristeko asmoz, baina bakarrik. Hala gobernatuko dute Pasaian Bilduk lortu dituen zortzi zinegotziek.
Udalean ordezkaritza lortu duten alderdiekin egiteke zuen erronda bukatu du honezkero Bilduk. Amaia Agirregabiria alkategaiak aipatu bileretan beren eskaintza zein izan den argitu du: «Gure jarrera alderdi guztiekin bera izan da: irekitzearen aldekoa, Udala guztion artean egitearen aldeko apustua egin dugu, eta hori argi utzi diegu guztiei».
Alderdi guztiek, ordea, ez diete harrera bera egin. PSE-EErekin egin zuten lehen bilera, lehengo maiatzaren 31ean. «Argi utzi ziguten azkenaldian mantendu duten jarrera bera mantenduko dutela, ezetzaren jarrera, eta ez dutela inongo posizio aldaketarik egingo», adierazi du Agirregabiriak.
EBrekin eta EAJrekin ere izan dira, lehengo asteartean. «EBrekin akordio ideologikoetara iristea ezinezkoa litzateekela» argitu du Bilduren buruak, «baina programatikoetan akordioetara iritsi» daitezkeela iragarri du.
Oraingoz, ordea, ez dute halakorik itxi: «printzipioz akordio zehatzik ez dugu. Horiek lantzen ari gara, baina oraindik ez ditugu», zehaztu du.
EAJrekin izandako bileran EBrekin izandakoan baina kontu gutxiago zehaztu zituztela argitu du Agirregabiriak. Hala ere, baikorra da balorazioa: «Errespetuzko jarrera agertu ziguten eta baita guk haiei ere», jakinarazi du.
PPri ere luzatu diete bilera egiteko gonbidapena, baina ez dute lortu : «Harremanetan jarri garen arren, ez dute inolako asmorik gurekin biltzeko. Ez digute ezta erantzun ere egin. Erabateko mespretxua dute gurekiko».
«Haize freskoa»
Abiatzear den legegintzaldian aurpegi berri asko izango dira udalbatzarrean. Hamazazpi zinegotzietatik lauk baino ez dute errepikatzen karguan, PSE-EEko hiruak, eta EBren ordezkari bakarrak. Gainontzeko zinegotzi guztiak berriak dira, Bildurenak ez ezik, EAJko hiruak eta PPko biak ere berriak dira udaletxean. «Zinegotzi berri asko gaude, bai gureak eta bai beste taldeetakoak. Uste dugu horrek haize freskoa ekarriko diola Udalari, eta baiezkoaren eta aldaketaren bidetik eraikitzeko eskenatoki aparta utziko digula» adierazi du Agirregabiriak.
Larunbata goizean izango dira kargu hartzeko udalbatzarrak. Pasaiakoa, Donibanen izango da, Arizabalon, 10:00etatik aurrera
