EBren iritziz, epaileek argitu behar dute zeintzuk diren jazarpen kasuen erantzuleak
Lan jazarpenen ikerketa batzordeak ateratako ondorioen ondoren, Ezker Batuak (EB) adierazi du erantzuleak nortzuk diren eta euren erantzukizun maila zein den argitzea epaileen eginkizuna dela: “Behin epaileek erantzukizun posibleen epai irmoa ate...
Lan jazarpenen ikerketa batzordeak ateratako ondorioen ondoren, Ezker Batuak (EB) adierazi du erantzuleak nortzuk diren eta euren erantzukizun maila zein den argitzea epaileen eginkizuna dela: “Behin epaileek erantzukizun posibleen epai irmoa aterata, orduan onartu beharko ditu korporazioak hartu beharreko akordioak”. Hala ere, ondorioek arduradun bat argi bat utzi duela iritzi dio: PSE-EE.
Ondorioen harira, EBk adierazi du norbaitek espero bazuen batzordeak “errudunak izen-abizenekin seinalatzea” ulertzen duela desengainatuta sentitzea. Haatik, espero zuena baldin bazen ekintza zehatz batzuk analizatzea eta horiek berriro ez gertatzeko neurriak martxan jartzea balantzea ona izan beharko lukeela iritzi dio.
Ikerketa batzordean “batik bat talde nagusiek izan dituzten iritzi kontrajarriak kontuan hartuta” EBk alde biekin lan egin duela zehaztu du. Gaineratu du EBk ez zuela nahi batzordeak ondoriorik ez ateratzea.
Ezker abertzalearen adierazpenen harira, ondorioak “borondate hutsa” besterik ez direla izan ezin dutela esan azaldu du EBk, eta gaineratu du ondorioek beste jazarpen egoera bat gertatzea saihesten badute pena merezi izan duela.
Hala ere, beharrezkotzat jo du korporazio berriak ondorioan aipatu diren hainbat gai berrartzea: “Argitasunak eta gardentasunak udalaren nortasunaren aztarna izan behar du”.
