Angulo: “Merinok herria gidatzeko gaitasunik ez du”
Bidea “oztopoz beteta” izan dutela eta legealdiaren balorazio “oso positiboa” ezin dutela egin zehaztearekin batera, egindako lanarekin “herri honek aldaketa behar duela agerian” utzi dutela esan du ezker abertzaleak...
Bidea “oztopoz beteta” izan dutela eta legealdiaren balorazio “oso positiboa” ezin dutela egin zehaztearekin batera, egindako lanarekin “herri honek aldaketa behar duela agerian” utzi dutela esan du ezker abertzaleak legealdiaren baloratzeko egindako agerraldian. “Oposizioari dagokion lana ondo burutzen saiatu gara eta herritarrei ateak zabaltzearen alde eta azken horien aldeko politika ekonomikoa bultzatzearekin batera, udalean dagoen defizit demokratikoa agerian uztea lortu dugu”, gaineratu du Santi Angulo zinegotzi abertzaleak.
Horrekin batera, Juan Carlos Merino jarduneko alkateak “udal honen buru izateko gaitasunik ez duela” ondorioztatu dute.
Besteak beste, legealdian zehar herritarren parte hartzea oztopatu izana leporatu diote jarduneko alkateari, eta baita “krisi egoeran herritarren kalterako erabakiak hartu izana”. Langileen ordezkariekin konfrontazio jarrera nagusi izan dela nabarmendu dute ere “nahiz eta kontrakoa esan bide hori bultzatu du Merinok”.
Epai irmoak ez bete
Araudi eta legeak bete ez dituela ere salatu du beste behin talde abertzaleak “horren adibide dira babes ofizialeko etxebizitzak eraikitzeko epai irmoa ez bete izana; Murias Center 4 enpresari buruz egin beharreko bilera ez egin izana, edota udalbatzarraren gehiengoak hartutako erabakiak ez errespetatu izana”.
Amaitzeko “bide honetan zorte hobea” opa diote ezker abertzaleko zinegotziek hurrengo Udalbatzari.
