Allerru Mendi Taldeak ikasturteko azken irteera egin du, Jaizkibelera
Allerru Mendi Taldekoek agur esan diote ikasturteari. Ohi bezala, Jaizkibelera egin zuten txangoa, atzo goizean. Ondoren,elkarrekin bazkaldu eta opariak banatu zituzten. Guztira 82 lagunek hartu zuten parte ikasturteko azkeneko irteeran. Erdia helduak ...
Allerru Mendi Taldekoek agur esan diote ikasturteari. Ohi bezala, Jaizkibelera egin zuten txangoa, atzo goizean. Ondoren,elkarrekin bazkaldu eta opariak banatu zituzten.
Guztira 82 lagunek hartu zuten parte ikasturteko azkeneko irteeran. Erdia helduak ziren eta beste erdia, berriz, Lezo Herri Eskolako eta Institutuko ikasleak. Eguraldia lagun zutela, autobusean joan ziren paradoreraino. Erentzin aldera jo zuten, handik Higerrera. Baineratik eta Errotatik pasa ziren ondoren.
Herrira iritsita, Aizpea ostatuan bazkaria izan zuten. Gero, jolasteko aukera izan zuten haurrek.
Opariak denentzat
Sari banaketa ere egin zuten arratsaldean. Horrela, lepoko zapi bat edo kamiseta bat jaso zuten parte hartzaileek. Gainera, ikasturtean zazpi edo zortzi irteeretan parte hartu dutenei garaikurra eman zieten. Azkeneko bi urteetan argazkiak ateratzen aritu den Mauri Ruizek ere opari sorpresa izan zuen.
Ikasturtea bukatu den arren, datorren urtekoa prestatzen hasiko dira Allerru Mendi Taldekoak. Nabarmendu dutenez, aurten haur asko hurbildu dira irteeretara, eta hala izaten jarraitzea espero dute. Azkenik, Udalari, Kutxari, Belintxoni eta Algeposari eskerrak eman dizkiete.