Santanok “oinarri zabaleko gobernua” osatzea proposatu die EAJ eta PPri
Atzo eman zituen ezagutzera Jose Antonio Santano jarduneko alkateak Udalean ordezkaritza lortu duten alderdiekin izandako elkarrizketa errondaren ostean egin duen balorazioa. Santanok talde guztien kolaborazioa eskertu du, baina gobernua osatzeko gertuago ikusten ditu jeltzaleak eta popularrak.
Atzo eman zituen ezagutzera Jose Antonio Santano jarduneko alkateak Udalean ordezkaritza lortu duten alderdiekin izandako elkarrizketa errondaren ostean egin duen balorazioa. Santanok talde guztien kolaborazioa eskertu du, baina gobernua osatzeko gertuago ikusten ditu jeltzaleak eta popularrak. “Denek ez dute buruan kolaboratzeko era berdina, hala Bilduk eta Ezker Batuak uste dute beren laguntza zehatzagoa izan daitekeela, EAJ eta PP, aldiz, edozein formularako prest daude”, argitu zuen. Horrela, atzo bertan idatziz “oinarri zabaleko gobernua eratzeko proposamena” helarazi zien jeltzaleei eta popularrei.
Santanok onartu du emaitzen inguruan “asko” pentsatu duela. “Politikook ezin diogu hiritarrek diotenari muzin egin”, gaineratu du. Horregatik, hurrengo lau urteetan Irungo Udalean “transparentzia, austeritatea eta partehartzea” ezarriko dituen hitzarmen bat nahi duela esan Santanok. Bere ustez “gizartearen ordezkaritzarik ahal den handiena” aintzat hartuko duen paktoa behar du hiriak.
Alderdi guztiekin elkartu eta gero, EAJ eta PP dira Santanoren taldearen proposamenetik gertuen dauden alderdiak. Nolanahi ere, sozialisten alkategaiak onartu du Bildu eta Ezker Batua “hiri helburuak konpartitzeko akordio puntualetara iristeko prest” daudela.
Bigarren erronda
Datozen egunotan sozialistak beste alderdietaklo ordezkaritzekin bilduko dira berriz. Bigarren errondari begira jeltzaleei eta popularrei “hiru alderdiek osatutako taldea” eratzea proposatu die Santanok. Bukatzeko, datozen asteetako mugimenduetan “ibilbide orri bakarrra Irun izatea” eskatu du.
