Udako kirol jarduerak antolatu dituzte haurrentzat eta gaztetxoentzat
Udan lau eta hamasei urte arteko haurrentzat eta gaztetxoentzat kirol jarduerak antolatu ditu Udaleko Gazteria eta Kirol Sailak. “Jende berria ezagutzeko, aire garbia arnasteko eta norberaren gaitasunak gainditzeko aukera paregabea dira kirol jar...
Udan lau eta hamasei urte arteko haurrentzat eta gaztetxoentzat kirol jarduerak antolatu ditu Udaleko Gazteria eta Kirol Sailak. “Jende berria ezagutzeko, aire garbia arnasteko eta norberaren gaitasunak gainditzeko aukera paregabea dira kirol jarduera horiek”, Udaletik nabarmendu dutenez.
Hamar kirolen artean aukeratu ahal izango dute herriko gaztetxoek: igeriketa; padela; aerobika; spinning-a; piraguismoa; body board-a; surfa; lerro irristaketa eta skate-a.
Jarduera batzuk Oiartzunen bertan izango dira (igeriketa, padela, aerobika eta spinning-a Elorsoro kiroldegian), baina gainerakoak herritik kanpo. Kasu horietan, Udaletik argitu dutenez, norberak arduratu beharko du garraioaz.
Izena Elorsoro kiroldegian edo Gazte Informazio Bulegoan eman behar da. Lehenengoan, 943 49 25 52 telefono zenbakian eman daiteke izena, edo bertara joanda. Gazte Informazio Bulegoan, berriz,
Mendiburu kaleko 5. zenbakian eman daiteke izena, astelehenetik ostiralera 17:30etik 19:30era, eta larunbatetan 10:30etik 13:30era; 943 49 11 05 telefono zenbakira deituta, edo gazteinfo@oiartzun.org helbide elektronikora idatzita.
Hilaren 18a da izena emateko azken eguna, datorren larunbata, alegia.
Ikastaro bakoitzaren prezioa ezberdina dela gogorarazi dute Udaletik. Horrez gain, zehaztu dute izena ematerakoan ordaindu behar direla ikastaroak —asegurua ere prezioan sartuta dago—.
Horrez gain, ordaintzeko momentuan, ordutegia eta maila ere aukeratu beharko dituzte gaztetxoek.
