Babespeko apartamentuen araudiaren hiru puntu aldatu dituzte azkeneko ohiko plenoan
Legegintzaldiko azkeneko ohiko plenoa egin zuen atzo arratsaldean Lezoko Udalbatzak. Eguneko gai zerrendan zazpi puntu zituzten zinegotziek. Apirilaren 6ko eta maiatzaren 18ko plenoetako aktak sinatu ondoren, babespeko apartamentuen araudian aldaketak egitea proposatu zuten, “kontratua egiten dutenei gauzak errazte aldera”, Haritz Salaberria jarduneko alkateak azaldu zuenez. Seigarren, zazpigarren eta zortzigarren puntuak dira aldaketa proposatu zutenak. Honakoak dira, hurrenez hurren: hileko zenbat ordaindu behar den zehaztea; ordaindutakoaren hileko berrikusketa nola egin eta jabeei giltzen kopia bat ematea ere. Ezker abertzaleko sei zinegotziek zein EAJko hiruek (hiru zinegotzi falta ziren) aldeko botoa eman zioten proposamenari. Aurrekontuenak, urgentziaz Aurrekontuaren aldaketei zegozkien bi puntuak aztertu zituzten jarrain. Diktamen moduan izendatzeko denborarik izan ez zutenez, urgentziaz bozkatzea aztertu zuten lehendabizi. Ezker abertzaleko zinegotzien bozkarekin erabaki zuten gaiak hala jorratzea. Aurrekontuaren kreditu gehigarriak aldatzeko proposatu zuten. Besteak beste, Pasaia-Lezo Lizeoaren eraikina egiten ari diren eremua aurten urbanizatzeko 200.000 euro sartzea proposatu zuten. “Lizeoak 2012an ireki nahi ditu ateak, eta zentzuzkoagoa iruditzen zaigu aurten urbanizatzea”, adierazi zuen jarduneko alkateak. Guztira 430.000 eurokoa da partidaren zenbatekoa, ohiko mantenu lanak, egin nahi duten Zuberoa Eguna eta beste hainbat gai kontuan hartuta. EAJko Kepa Garbizuk plenora arte aldaketen berri ez zutela izan leporatu zien Udal Gobernu Taldekoei. Horregatik, kontra bozkatu zuten. [...]
Legegintzaldiko azkeneko ohiko plenoa egin zuen atzo arratsaldean Lezoko Udalbatzak. Eguneko gai zerrendan zazpi puntu zituzten zinegotziek.
Apirilaren 6ko eta maiatzaren 18ko plenoetako aktak sinatu ondoren, babespeko apartamentuen araudian aldaketak egitea proposatu zuten, “kontratua egiten dutenei gauzak errazte aldera”, Haritz Salaberria jarduneko alkateak azaldu zuenez. Seigarren, zazpigarren eta zortzigarren puntuak dira aldaketa proposatu zutenak. Honakoak dira, hurrenez hurren: hileko zenbat ordaindu behar den zehaztea; ordaindutakoaren hileko berrikusketa nola egin eta jabeei giltzen kopia bat ematea ere.
Ezker abertzaleko sei zinegotziek zein EAJko hiruek (hiru zinegotzi falta ziren) aldeko botoa eman zioten proposamenari.
Aurrekontuenak, urgentziaz
Aurrekontuaren aldaketei zegozkien bi puntuak aztertu zituzten jarrain. Diktamen moduan izendatzeko denborarik izan ez zutenez, urgentziaz bozkatzea aztertu zuten lehendabizi. Ezker abertzaleko zinegotzien bozkarekin erabaki zuten gaiak hala jorratzea.
Aurrekontuaren kreditu gehigarriak aldatzeko proposatu zuten. Besteak beste, Pasaia-Lezo Lizeoaren eraikina egiten ari diren eremua aurten urbanizatzeko 200.000 euro sartzea proposatu zuten. “Lizeoak 2012an ireki nahi ditu ateak, eta zentzuzkoagoa iruditzen zaigu aurten urbanizatzea”, adierazi zuen jarduneko alkateak. Guztira 430.000 eurokoa da partidaren zenbatekoa, ohiko mantenu lanak, egin nahi duten Zuberoa Eguna eta beste hainbat gai kontuan hartuta.
EAJko Kepa Garbizuk plenora arte aldaketen berri ez zutela izan leporatu zien Udal Gobernu Taldekoei. Horregatik, kontra bozkatu zuten. Laugarren puntuan, kreditu transferentziak aztertu zituzten. Horrela, 21.000 euro bideratuko dituzte, 10.000 familien esku hartzerako eta 11.000 herriko presoen bidaien gastua laguntzeko. EAJk ere kontra bozkatu zuen. Txostenak eta galde eskeak aurkeztu aurretik, bateraezintasun eta ondasun aitorpen ereduak onartu zituzten, aho batez.
