Udaleko langileen soldata eguneratzeko akordioa lortu dute
Lezoko Udalak eta Enpresa Batzordeak soldatak eguneratzeko akordioa itxi dutela jakinarazi du Haritz Salaberria alkateak. 2009tik izoztuta zituzten soldatak, egoera ekonomikoagatik zein Espainiako Gobernuaren erabakiengatik (funtzionarioen soldata %5 j...
Lezoko Udalak eta Enpresa Batzordeak soldatak eguneratzeko akordioa itxi dutela jakinarazi du Haritz Salaberria alkateak. 2009tik izoztuta zituzten soldatak, egoera ekonomikoagatik zein Espainiako Gobernuaren erabakiengatik (funtzionarioen soldata %5 jaistea).
Iaz hainbat neurri hartu zituen Udalak gastua gutxitzeko (patruila bateratuak, esaterako). Aurten, baina, iazko soldata %1,8 igoko dute eta 2011koari dagokiona %2 igoko da. Gainontzeko baldintzak ia berberak direla esan du Salaberriak.
Lan hitzarmen osoa sinatu ez duten arren, legegintzaldia bukatu baino lehen soldatena itxi nahi zutela azaldu du azaldu dute, “datozenei arazo hori ez uzteko”.
Gaurko udalbatzarrean aztertuko dituzte puntuetako bat izan zen soldatena.
Euskara batzordearen arauak
Beste puntuei dagokienez, Euskara Batzordearen araudia bozkatuko dute. Aurretik Kirol Mahaiarekin eta Jai Batzordearekin ere egingo dute. Legegintzaldiaren hasieran “parte hartzea bultzatzeko” martxan jarri zituzten mahai sektorialak arautzea izan da helburua.
Gainontzeko puntuetan musika eskolaren eta kiroldegiaren tasak igotzea jorratuko dute. Horrez gain, Altamirako egoiliarren txartela egokitzea aztertuko dituzte, baita Gipuzkoako Foru kontratazioari atxikitzea ere.
