Zubietako Parke Teknologikoaren alde azaldu da EAJ
Gipuzkoako diputatu nagusia eta EAJ-PNVren hautagaia, Markel Olanok esan du Zubietako Parke Teknologikoak ez duela atzera bueltarik “kokapena erabakita dagoelako eta EAJ-k Madrilen egindako negoziazioari esker lurrak erosten hasteko diru zuzkidurak zehaztuta daudelako”. Olanok bere adierazpenetan esan du Miramon Parke Teknologikoko Kontseilu administrazioan EAJko ordezkariek hasieratik apustu garbia egin dutela Miramongo zabalkuntza Bidasoan egitearen alde. Gogora ekarri du, Kongresuan alderdi sozialistarekin aurrekontuen inguruko negoziazioan, EAJ-PNVk 1,9 milioi euroko zuzkidurak aldarrikatu eta lortu zituela Zubietan lurrak erosten hasteko, “helburu zehatza duten aurrekontu zuzkidurak dira, proiektuak Bidasoan atzera bueltarik ez duen seinale”. Gipuzkoan zientzia eta teknologia azpiegiturak eskualde ezberdinetan modu orekatuan txerta daitezen aldeko apustu egiten du EAJ-PNVk, hiriburuan kontzentrazioa ekidin eta “eskualde guztietako garapen lehiakorra bultzatu eta bermatuz”. Honakoa Gipuzkoaren indargunea dugu, alegia, zaindu egin beharreko lurralde oreka, baita ikuspuntu teknologiko eta lehiakorrari dagokionean ere”. Testuinguru honetan, Bidasoak –Irun eta Hondarribiak-, ezin dute atzean geratu eta “Gipuzkoaren etorkizuneko garapen teknologikoak Zubietako proiektua aurreikusten du”. 5.000 enplegu eta Zubietarekin loturak garraio publiko bidez 5.000 langile inguru hartuko ditu etorkizuneko Zubietako Parke Teknologikoak dagozkion hirigintza eta mugikortasun planak ere izango dituela. Parkearen gunearekin loturak ziurtatu behar dira eta horretarako “kalitatezko garraio publiko baten alde” egingo dugu. Irungo alkatetzarako hautagaia, Xabier Iridoyk Bidasoako eskualdea [...]
Gipuzkoako diputatu nagusia eta EAJ-PNVren hautagaia, Markel Olanok esan du Zubietako Parke Teknologikoak ez duela atzera bueltarik “kokapena erabakita dagoelako eta EAJ-k Madrilen egindako negoziazioari esker lurrak erosten hasteko diru zuzkidurak zehaztuta
daudelako”.
Olanok bere adierazpenetan esan du Miramon Parke Teknologikoko Kontseilu administrazioan EAJko ordezkariek hasieratik apustu garbia egin dutela Miramongo zabalkuntza Bidasoan egitearen alde. Gogora ekarri du, Kongresuan alderdi sozialistarekin aurrekontuen inguruko negoziazioan, EAJ-PNVk 1,9 milioi euroko zuzkidurak aldarrikatu eta lortu zituela Zubietan lurrak erosten hasteko, “helburu zehatza duten aurrekontu zuzkidurak dira, proiektuak Bidasoan atzera bueltarik ez duen seinale”.
Gipuzkoan zientzia eta teknologia azpiegiturak eskualde ezberdinetan modu orekatuan txerta daitezen aldeko apustu egiten du EAJ-PNVk, hiriburuan kontzentrazioa ekidin eta “eskualde guztietako garapen lehiakorra bultzatu eta bermatuz”. Honakoa Gipuzkoaren indargunea dugu, alegia, zaindu egin beharreko lurralde oreka, baita ikuspuntu teknologiko eta lehiakorrari dagokionean ere”. Testuinguru honetan, Bidasoak –Irun eta Hondarribiak-, ezin dute atzean geratu eta “Gipuzkoaren etorkizuneko garapen teknologikoak Zubietako proiektua aurreikusten du”.
5.000 enplegu eta Zubietarekin loturak garraio publiko bidez
5.000 langile inguru hartuko ditu etorkizuneko Zubietako Parke Teknologikoak dagozkion hirigintza eta mugikortasun planak ere izango dituela. Parkearen gunearekin loturak ziurtatu behar dira eta horretarako “kalitatezko garraio publiko baten alde” egingo dugu.
Irungo alkatetzarako hautagaia, Xabier Iridoyk Bidasoako eskualdea “proiektu honen gose dela” adierazi du. Irunen Lurraldeko langabezi tasa altuena dugu, %16koa, eta haientzat “enpleguaren eskuduntza duen Eusko Jaularitzak ez du langabetuen mesederako ezer egin, eta Santanoren udalak enplegua sortzeko ez du lidergo jarrerarik erakutsi”.
Iridoyren ustez, Irungo enpresa txiki eta ertain ugarik Zubietako ekimenetako zerbitzuak jaso ahal izango dute eta horrek “bertako enpresetako produktu eta zerbitzuei balio erantsia ekarriko die”.
Bestalde, Hondarribiko alkatea eta EAJko hautagaia, Aitor Kerejetak adierazi du Zubietako Parke Teknologikoak etorkizuneko proiektua izateari utzi eta “egungo proiektu bilakatu behar dugu, horrek eskatzen dituen zehaztasun guztiekin”.
“Gune teknologikoa eraikiko den lur soroetan aurkitzen gara eta horien erosketa egiten hasteko aurrekontu zuzkidurak badaude. Hondarribiko EAJk zorrotz exijitu die erakunde guztiei beharrezko urratsak eta epeak bete ditzaten. Proiektu honi esker, Hondarribia bizitzeko, gozatzeko eta lanerako hiri bilakatuko da”.
