Gaur hasiko dira lonja berrirako lanen lehen fasearekin
Apirilerako iragarri zuen Miguel Buenek lanen hasiera, eta Maiatzak oraindik hamabost egun egin ez dituenean abiatuko dira. Gaur hasiko dira San Pedron lonja berrirako lanak. Pasaia Eraikina eta Arrandegia 2 atonduko dituzte, ondoren lonjaren jarduera hara lekualdatu ahal izateko, eta arrandegi zaharraren eraiste lanei ekin ahal izateko jarduera eten gabe. Lanei ekin ahal izateko ingurua hesitu dute, autoek bertan aparkatu ez dezaten eta aurrefabrikatuak eta edukiontziak han jarri ahal izateko. Hiru hilabeteko iraupena Portuko iturriek jakinaraz dutenez, lanen lehen faseak hiru hilabeteko iraupena izango du, eta 670.000 euroko aurrekontua. Lonjaren jarduera orain atonduko duten ingurura lekualdatuta, eraiste lanei ekingo diete. Arrandegia 2 eta Arrandegia 1 eraikinak botako dituzte lehenik eta horiek bukatuta hasiko dira lonja berria altxatzen eta ingurua urbanizatzen. Portu Agintaritzako iturrien arabera, hiru urte beharko dituzte orain hasiko dituzten lanak guztiz bukatzeko. Esan dutenez, 2014ko uda baino lehen amaituta egongo dira. Beharra eta argi ilunak Urteak dira lonjako erabiltzaileak lanak hasteko zain direla. Behin baino gehiagotan agertu dute kezka azken urte hauetan eraikinaren “egoera tamalgarriarengatik” kezkatuak. Urteetako itxaronaldiak, baina, bukatzear dela ematen du. Edonola ere, ez dira gutxi egitasmo honen gaineko argi ilunak. Lonjako erabiltzaileek arazo asko izan dituzte Portu Agintaritzarekin kudeaketaren baldintzak negoziatzerakoan, eta hainbat hilabetetan harremanak [...]
Apirilerako iragarri zuen Miguel Buenek lanen hasiera, eta Maiatzak oraindik hamabost egun egin ez dituenean abiatuko dira. Gaur hasiko dira San Pedron lonja berrirako lanak.
Pasaia Eraikina eta Arrandegia 2 atonduko dituzte, ondoren lonjaren jarduera hara lekualdatu ahal izateko, eta arrandegi zaharraren eraiste lanei ekin ahal izateko jarduera eten gabe.
Lanei ekin ahal izateko ingurua hesitu dute, autoek bertan aparkatu ez dezaten eta aurrefabrikatuak eta edukiontziak han jarri ahal izateko.
Hiru hilabeteko iraupena
Portuko iturriek jakinaraz dutenez, lanen lehen faseak hiru hilabeteko iraupena izango du, eta 670.000 euroko aurrekontua.
Lonjaren jarduera orain atonduko duten ingurura lekualdatuta, eraiste lanei ekingo diete. Arrandegia 2 eta Arrandegia 1 eraikinak botako dituzte lehenik eta horiek bukatuta hasiko dira lonja berria altxatzen eta ingurua urbanizatzen.
Portu Agintaritzako iturrien arabera, hiru urte beharko dituzte orain hasiko dituzten lanak guztiz bukatzeko. Esan dutenez, 2014ko uda baino lehen amaituta egongo dira.
Beharra eta argi ilunak
Urteak dira lonjako erabiltzaileak lanak hasteko zain direla. Behin baino gehiagotan agertu dute kezka azken urte hauetan eraikinaren “egoera tamalgarriarengatik” kezkatuak. Urteetako itxaronaldiak, baina, bukatzear dela ematen du.
Edonola ere, ez dira gutxi egitasmo honen gaineko argi ilunak. Lonjako erabiltzaileek arazo asko izan dituzte Portu Agintaritzarekin kudeaketaren baldintzak negoziatzerakoan, eta hainbat hilabetetan harremanak eten egin dituzte, azkenaldian gaia berriro bideratu duten arren.
Bestalde, Zaerak, Foreing Office Architects enpresako buru eta lonja berrirako lehengo proiektuaren irabazleak epaitegietara joko zuela iragarri zuen, Astigarraga eta Lasarte enpresak “bere proiektuaren irtenbide tekniko asko kopiatu” dituela iritzita.
Martxoa bukaeran egin zituen aipatu adierazpenak Zaerak, eta hautsak harrotu zituen, baina gaur arte ez da gaiaren gaineko berri gehiagorik izan.
Bizilagunen artean zalantza eta kezka handia
Lonja berriaren proiektuak barrutiaren biziberritzerako izango duen garrantziaz jabetuta, San Pedron, Lonjako Batzordea eratu zuten herritarrek, lanen jarraipena egin eta bizilagunen ekarpenak bideratzeko. Aipatu batzordean, bizilagunak ez ezik Udal ordezkariak, erabiltzaileak, eta Portu Agintaritza bera bildu izan dira.
Lehengo apirilaren 6an, eta Buenek lanak hilabete horretan bertan hasiko zirela iragarri ondoren, Lonjako Batzordeak mahai inguruan bildu zituen egitasmoan zer esana duten alde guztiak.
Udal Aretoan bildu ziren herritar gehienek kezka agertu zuten, lonjaren kudeaketa ereduarengatik ez ezik, Portu Agintaritzaren proiektuak ez zituelako jasotzen bizilagunen proposamenak.
Lonjako lanak hastear San Pedron
