Estanis Lopez eta Ander Errandonea kalean dira, 25 urtean preso egon ondoren
Estanix Lopez eta Ander Errandonea Ordoxelai kalean dira gaur goizetik, azkeneko 25 urtean preso egon ondoren. Etxera bidean daude. Lopez atera da aurrena, 09:10ak aldera, Castelloko kartzelatik (Valentzia, Herrialde Katalanak). Errandonea 10:40eta...
Estanix Lopez eta Ander Errandonea Ordoxelai kalean dira gaur goizetik, azkeneko 25 urtean preso egon ondoren. Etxera bidean daude.
Lopez atera da aurrena, 09:10ak aldera, Castelloko kartzelatik (Valentzia, Herrialde Katalanak). Errandonea 10:40etan irten da, Herrera de la Manchatik (Ciudad Real, Espainia). Biek hainbat lagun zain zeuzkaten, lehen harrera egiteko.
1986ko maiatzaren 17an Guardia Zibilak atxilotu zituen biak, ETAkoak izatea egotzita, eta ordutik hainbat kartzelatan eduki dituzte. Lopezek 19 urte zituen atxilotu zutenean eta Errandoneak 23. 2001ean bete zituzten zigorraren hiru laurdenak.
Oiartzungo Amnistiaren Aldeko Mugimendua pozik azaldu da albistearekin, baina eskatu du zigorra beteta duten gainontzeko presoak eta gaixo daudenak ere askatzeko.
