Proiekton Bosco lehiaketa antolatu du Don Bosco Zentroak
don bosco zentroak Proeikton Bosco lehiaketa antolatu du lehenengoz
Don Bosco zentroak, Proiekton Bosco lehiaketa antolatu du lehenengoz. Lehiaketa DBH, Batxilergo eta Heziketa Zikloko ikasleei begira sortu dute, “azken horiek eremu teknologikoaren gainean duten izpiritu berritzailea eta sormena sustatu eta saritzeko” azaldu dute antolatzaileek.
Aurkeztutako proiektuak, elektrizitatea, elektronika, robotika, telekomunikazioak, mekanika, automozioa edota kimikaren gainekoak izan beharko dute eta parte hartu nahi dutenek, maiatzaren 14a arte izango dute izena emateko aukera. Adineko pertsonen edo ezinduen bizitza kalitatea hobetzen lagunduko duten proiektuak bereziki baloratuko dituzte lehieketaren antolatzaileek. Berdin baloratuko dira inguremenaren onuran eta energia berriztagarrien hobekuntzan lagunduko duten proiektuak ere.
Lehiaketaren lehenengo aldian bederatzi sari banatuko dituzte aurkeztutako proiektu guztien artean, 3 maila bakoitzeko: “maila bakoitzeko irabazleek ordenagailu erammangarria eta diploma eskuratuko dituzte; bigarren postuan gelditzen direnek, netbooka eta diploma; eta hirugarrenek, berriz, disko gogor eramangarria eta diploma” esan dute lehiaketaren arduradunek.
Informazio gehiago jasotzeko, www.fpdonbosco.com/proiekton-bosco orrialdean sar daitezke interesadunek.
