Lagunak elkartearena izan da platerik onena
Pasa den larunbatean afari berezia egin zuten Euskaldarrak-en, bi astez eskualdeko 24 elkarteak prestatzen aritu diren platerik onenak zeintzuk izan diren erabaki eta sariak banatzeko. Azkenean, Errenteria-Oreretako Lagunak elkartearen Legatz solomoa, ...
Pasa den larunbatean afari berezia egin zuten Euskaldarrak-en, bi astez eskualdeko 24 elkarteak prestatzen aritu diren platerik onenak zeintzuk izan diren erabaki eta sariak banatzeko. Azkenean, Errenteria-Oreretako Lagunak elkartearen Legatz solomoa, Tuterako orburuekin eta txangurru kurruskariarekin platera dela onena erabaki du epaimahaiak.
Plater hori prestatu zuten Pedro Morantek eta Angel Plazak Mikelazulo Euskaldarrak saria eraman zuten. Martin Lazkano Euskaldarrak elkarteko presidenteak eman zien garaikurra.
Bigarren eta hirugarren sarituak ere herriko elkarteak izan ziren. Bigarren saria Gure Toki elkarteko Jose Mari Martinez eta Juanmi Astizek eraman zuten, Txipiroiak boletusez, tintaz eta mugurdiz beteta platerari esker. Hirugarren saria, berriz, Ondarra elkarteko Aritz Garbizuk eta Josetxo Duquek eraman zuten, Arrautza puskatuak onddo eta foierekin platerarengatik.
«Erabaki zaila»
Platerik onena erabakitzea zaila izan zela nabarmendu zuen afalostean epaimahaiak, prestatutako platerak «maila handikoak» izan zirelako. Sukaldari ezagunak zeuden epaimahaian: Luis Irizar, Bernardo Beltran, Elena Arzak…
Datorren urtean ere parte hartzera animatu dituzte elkarte guztiak. Hurrengo urtekoa gastronomia erakusketaren 27. aldia izango da.
