Garapen Iraunkorraren Astea bihartik hasita
Garapen Iraunkorraren Astea ospatuko dute Hendaian bihar hasi eta hilaren 7ra bitarte. IAEZI Euskal Itsasbazterrak eta Herriko Etxeak herritarren kezkak eta beharrak ezagutu nahi dituzte eta horretarako hainbat ekimen antolatu dituzte: erakusketak, hit...
Garapen Iraunkorraren Astea ospatuko dute Hendaian bihar hasi eta hilaren 7ra bitarte. IAEZI Euskal Itsasbazterrak eta Herriko Etxeak herritarren kezkak eta beharrak ezagutu nahi dituzte eta horretarako hainbat ekimen antolatu dituzte: erakusketak, hitzaldiak, lanbide foroak…
Hauxe da biharko, etziko eta igandeko (hilaren 1a, 2a eta 3a) egitaraua:
Hilaren 1a:
- Hondakin bolen erakusketa zabalduko dute. Hilaren 7ra arte bereizketa zentrotik ateratako hondakin bolak ikus ahal izango dira.
Hilaren 2a:
- Hondakinei buruzko informazio mahaia jarriko dute goizean Zokoburuko merkatuan.
- 09:30etik 12:00etara, Natura guneetako inbaditzaileei aurre eginez lan saioa izango da Zokoburuko harea muinoan. Serge Blanco talasoterapiaren parean elkartuko dira. Lan saioan parte hartzen dutenek, Hego Afrikako goi lautadetatik etorritako zorne-belarra deitzen den landareak kenduko dituzte.
- 18:00etan, atseden portuko egoitzan (Zokoburun) eztabaida saioa izango da Praktika eta joera nautikoak aterabide iraunkorretarako izenburupean. Portuko erabiltzaileei eta uretako jardueretan ibiltzen direnei zuzendua dago bereziki.
