Hiriko gastronomia bultzatzeko ‘Irun dastatu’ ekimena aurkeztu dute
Hirian egiten den sukaldaritzari bultzada emateko Irun Dastatu ekimena aurkeztu dute aste honetan, bide luzekoa izateko asmoarekin. Momentuz bakailaoa eta txokolatea protagonista izango dituzten Irungo Sukaldeak goiburuko jardunaldiak antolatu dituzte.Martxoan eta apirilan egingo dituzte, San Martzial karrikako bi elkarte gastronomikoetan: Irungo Atsegiña eta La Salleko I.O. Besteak beste, Bidasoa Bizirikek, La Bacaladera enpresak, Mugan merkataritza elkarteak, eta Ficoba erakustazokak sustengua eman diote asmoari. Ikastaro guztiak 19:30etik 20:30era egingo dira, eta bakoitzaren kostua 5 euroan jarri dute. Izenemateak BAZen, 010era deituz, edo bulego estrategikoaren e-postara idatziz egin behar dira. Asteartean egin zuten aurkezpena, Danako jatetxean. Bertara, Irungo alkate Jose Antonio Santano, La Bacaladerako kudeatzaile Jose Maria Salvador, Mugan merkataritza elkarteko Tomas Meztu, Koldo Salinas goxogilea, eta jardunaldietan parte hartuko duten sukaldarietako batzuk hurbildu ziren: Iñigo Lavado, Inaxio Muguruza, Carlos Sagastizabal, Felix Manso, Julio Rebolleda, Iñaki Hernandez eta David Rodriguez. Santanok ekimenaren helburua laburbildu zuen: “Hiriko eskaintza gastronomiko aberats eta anitzari balioa ematea eta alor horretan egunero lanean diharduten profesionalen eskutik egitea”. Alkateak jardunaldietan parte hartuko duten sukaldariei eskerrak eman nahi izan zien, “hirian daukagun eskaintza gastronomiko onak eta bariatuak merezi duen tokian, lehen lerroan, jartzeagatik”. Elkartasun kontzertua Bestalde, apirilean Taupadak GKEaren alde Ficoban antolatuko den kontzertuaren ondoren Irungo sukaldeak ekimenean parte [...]
Hirian egiten den sukaldaritzari bultzada emateko Irun Dastatu ekimena aurkeztu dute aste honetan, bide luzekoa izateko asmoarekin. Momentuz bakailaoa eta txokolatea protagonista izango dituzten Irungo Sukaldeak goiburuko jardunaldiak antolatu dituzte.Martxoan eta apirilan egingo dituzte, San Martzial karrikako bi elkarte gastronomikoetan: Irungo Atsegiña eta La Salleko I.O. Besteak beste, Bidasoa Bizirikek, La Bacaladera enpresak, Mugan merkataritza elkarteak, eta Ficoba erakustazokak sustengua eman diote asmoari. Ikastaro guztiak 19:30etik 20:30era egingo dira, eta bakoitzaren kostua 5 euroan jarri dute. Izenemateak BAZen, 010era deituz, edo bulego estrategikoaren e-postara idatziz egin behar dira.
Asteartean egin zuten aurkezpena, Danako jatetxean. Bertara, Irungo alkate Jose Antonio Santano, La Bacaladerako kudeatzaile Jose Maria Salvador, Mugan merkataritza elkarteko Tomas Meztu, Koldo Salinas goxogilea, eta jardunaldietan parte hartuko duten sukaldarietako batzuk hurbildu ziren: Iñigo Lavado, Inaxio Muguruza, Carlos Sagastizabal, Felix Manso, Julio Rebolleda, Iñaki Hernandez eta David Rodriguez.
Santanok ekimenaren helburua laburbildu zuen: “Hiriko eskaintza gastronomiko aberats eta anitzari balioa ematea eta alor horretan egunero lanean diharduten profesionalen eskutik egitea”. Alkateak jardunaldietan parte hartuko duten sukaldariei eskerrak eman nahi izan zien, “hirian daukagun eskaintza gastronomiko onak eta bariatuak merezi duen tokian, lehen lerroan, jartzeagatik”.
Elkartasun kontzertua
Bestalde, apirilean Taupadak GKEaren alde Ficoban antolatuko den kontzertuaren ondoren Irungo sukaldeak ekimenean parte hartuko duten sukaldariek pintxoak prestatuko dituzte. Hor ere, bakailaoa eta txokolatea osagarri nagusiak izango dira. La Bacaladerak bakailaoa doan emango du egun horretarako.
IRUNGO SUKALDEAK. Ikastaro guztiak 19:30etik 20:30era izango dira.
Martxoak 29. Iñigo Lavado (Iñígo Lavado) eta Julio Rebolleda (Mertxe).
- Bakailao kurruskaria gainerreta
- Bakailao arroka pil-pilean
- Txokolatea parrilan.
Martxoak 31. Inaxio Muguruza (Atalaia) eta Felix Manso (Gaztelumendi-Antxon).
- Bakailao entsalada Lodosako pikillo piperrekin
- Bakailaoa, Martini eta Tio Pepe saltsan eginiko foiez
- Txokolate likido-danborra zotzekin
Apirilak 5. Iñaki Hernández (Trinkete Borda) eta Koldo Salinas (Brasil goxodenda).
- Orburu frijituak
- Bakailao kaneloiak
- Txokolatezko postrea magurdiekin
Apirilak 7. David Rodríguez (Danako) eta Carlos Sagastizabal (La Agrícola).
- Porrusalda krema bakailaoarekin
- Bakailao entsalada, piper erreak, pinaziak, Idiazabal gazta eta onddoak olio-ozpinetan
- Bakailao konfitatua patata eta aza kremarekin
- Txokolatezko moussea laranjaren konfiturarekin
