Kaldereroak, hogeitamar urte Inauteriak iragartzen
kaldereroak, 30 urte beteko dituzte larunbatean
Otsailaren 26an helduko da herrira kaldereroen konpartsa. Urtero moduan, bere zartagin eta mailuen hotsekin Inauteriak iragarriko dituzte herriko kaleetan barrena. Aurtengoa, gainera, hitzordu berezia izango da konpartsarentzat. Izan ere, Kaldereroek, hogeitamar urte beteko baitituzte, 1981 urtean Alaberga Auzoko Arditurri elkartearen inguruan ibiltzen ziren bizlagun batzukgaldua zegoen tradizioa berreskuratu zutenetik.
Txistularien Udal Banda
Alabergako auzo elkarteko kideek azaldu dutenez “56 urte luzez ez zen kaldereroen konpartsarik ibili gure kaleetan”. Arditurri auzo elkarteko kideek, konpartsa berreskuratzeaz gainera, hogeitamar urtez, hutsik egin gabe izan dira lanean “kaleak alaitzen eta Inauteriak iragartzen” esan dute. Aurten, baina, ez dira bakarrik ibiliko, TxistularienUdal Bandak ere bat egingo duelako ohiko musikariekin. Halaber, antolatzaileek herritar guztiak animatu dituzte parte hartzera”heldu, gazte zein haurrek lekua izango dutezartagina astintzeko eta uste dugu, kaldereroek 30 urte hauetan egindako lan nekaezinak merezi duela, gainera”. Zazpietan abiatuko daArditurri elkartearen aurretik kaldereroen konpartsa. Jantzi koloretsuekin, abestiekin eta humore onarekin herriko kaleak girotuko dituzte eta urtero moduan, Zumardian jarriko dute kanpamendu nagusia.
Entseguak
Kaldereroen konpartsan parte hartu nahi dutenek, baldintza bakarra bete beharko dute: Arditurri Elkartekoek antolatu dituzten entseguetara joatea. Horiek, datorren astelehenean eta asteazkenean egingo dituzte zazpi eta erdietatik aurrera Arditurri Elkartearen lokaleetan. Datorren ostegunean, berriz, leku eta ordu berean, entsegu orokorra egingo dute.
