Mariano Ferrerrek irekiko du hitzaldi ziklo berria
Egoera politikoaren azterketa eta indar bilketa zikloa antolatu duten herritar talde berak jardunaldi berriak antolatuko ditu datozen asteetara begira, Giza eskubideak: eskubide zibil eta politikoak izenpean. Hitzaldi ziklo berria Mariano Ferrer kazeta...
Egoera politikoaren azterketa eta indar bilketa zikloa antolatu duten herritar talde berak jardunaldi berriak antolatuko ditu datozen asteetara begira, Giza eskubideak: eskubide zibil eta politikoak izenpean.
Hitzaldi ziklo berria Mariano Ferrer kazetariak eta Jon Mirena Landa Eusko Jaurlaritzako Giza eskubideen zuzendari ohiak estreinatuko dute. Hilaren 15ean (asteartean) izango da, ohi bezala, Gaztediren lokalean (Kaputxinoen elizako beheko solairuan), 19:30ean.
Handik bi egunetara, hilaren 17an (osteguna), berriz, Zuzenbide Administratiboan katedradun den Iñaki Lasagabasterren txanda izango da. Aurreko hitzaldian bezalaxe Gaztediren lokalean izango da, 19:30ean.
Gogoeta fase berria
Hitzaldi zikloak antolatzen dabiltzan herritarrek adierazi dutenez, orain arte 10-12 inguru lagun biltzen ibili dira, baina orain taldea handitu egin dute 50 lagunera arte, eta horrenbestez, “gogoeta fase berri bat” ireki dute. Alegia, talde txikiagoa zirenean bezala, talde handian ere zertan dauden ados eta zertan ez dauden identifikatzen ibiliko direla nabarmendu dute, horrekin aurrera egiteko.
