Eskualdeko batelak jaun eta jabe Gipuzkoako Batel Ligan
Gipuzkoako Batel Ligaren bigarren estropadan erakustaldi bikaina egin zuten eskualdeko arraunlariek Zumaian. Maila guztietan, batean izan ezik, lehen postua eskuratu dute, eta lortu ez duten mailan bigarren postua eskuratu dute. Haur Mailan, nesketan, ...
Gipuzkoako Batel Ligaren bigarren estropadan erakustaldi bikaina egin zuten eskualdeko arraunlariek Zumaian. Maila guztietan, batean izan ezik, lehen postua eskuratu dute, eta lortu ez duten mailan bigarren postua eskuratu dute.
Haur Mailan, nesketan, Hibaika izan zen onena (05:13,75); hirugarrena San Pedro geratu zen (+0:03,99) eta azkena Hibaika mixtoa (+1:04,68). Mutiletan ere Hibaika A iritsi zen lehenengoa (04:58,32); San Juan B laugarren izan zen (+0:19,53); Trintxerpe-Illunbe bosgarren (+0:28,31); bederatzigarren Hibaika B (+0:44,46), hamargarren San Pedro (+0:52,48) eta hamahirugarren (+1:00,67).
Kadete Mailan, San Juan Ako mutilak izan ziren onenak (07:09,04); San Pedro Bkoak hirugarren geratu ziren (+0:04,23); Trintxerpe-Illunbekoak zazpigarren ((+0:24,82); San Juan Bkoak hamaikagarren (+0:47,83); eta San Pedro Akoak hamabosgarren (+1:04,35).
Gazte Mailan, nesketan, San Juan (+0:15,07) bigarren izan zen Zumaiaren (09:17,64) atzetik. San Juan B bosgarren (+0:26,65); Trintxerpe-Illunbe seigarren (+0:32,48); San Pedro A zortzigarren (+0:43,32) eta Hibaika A hamabigarren (+1:43,95). Mutiletan, San Pedro Akoa izan ziren onenak (08:32,71); Trintxerpe-Illunbe B bosgarren gelditu zen (+0:17,18); Trintxerpe-Illunbe A zazpigarren (+0:31,33); San Juan A zortzigarren (+0:38,47) eta San Pedro B hamargarren (+0:47,57).
Seniorretan, San Pedroko mutilak izan ziren azkarrenak, 08:45,39ko denbora egin zuten, eta Hibaikako mutilek laugarren bukatu zuten (+0:08,88).
Gipuzkoako Batel Ligako hirugarren estropada Donibanen jokatuko dute, datorren igandean.
