Ondartxoko kirol gunea ireki dute
Ostiraletik aurrera Ondartxoko kirol gunea erabiltzeko moduan da. Egun horretan inauguratu zuten Juan Carlos Merino Errenteriako alkateak eta Miguel Buen Pasaiako Portu Agintaritzako presidenteak. Buen aurkezpenean egoteko arrazoia Agintaritzak kirol g...
Ostiraletik aurrera Ondartxoko kirol gunea erabiltzeko moduan da. Egun horretan inauguratu zuten Juan Carlos Merino Errenteriako alkateak eta Miguel Buen Pasaiako Portu Agintaritzako presidenteak. Buen aurkezpenean egoteko arrazoia Agintaritzak kirol gunea eraikitzeko emandako laguntza izan da, 50.000 euro. Guztira, 160.000 euroko aurrekontua izan du, eta gainontzeko partea Errenteriako Udalak jarri du. Construcciones Tratik egin ditu lanak.
Kirol gune honako elementuez osatuta dago: bi frontoi txiki (5×5 metrokoak), erabilera anitzeko pista (1,24×14 metro) futbitoan, eskubaloian eta saskibaloian aritzeko eta skate pista. Azken horretan elementu bultzatzaileak, quarter bat (bi alturetan eta arrapala bat), piramide moduko modulu bat eta beste hainbat elementu solte dauzka (doble box eta baranda).
Juan Carlos Merinok nabarmendu zuen Ondartxoko auzotarrak aspaldi eskatu zuten gunea zela auzoan ez daudelako espazio libre asko, eta batik bat gaztetxoentzako erabilgarria izango dela. Gaineratu zuen puskatzen baldin bada “erabilpen onagatik” izatea, “eta ez ekintza bandalikoengatik”. Miguel Buenek, berriz, nabarmendu zuen inguruko herriekin harremanak hobetzeko lanetan jarraituko Agintaritzak”.
