Udalaren izenean, adinekoen kontrako iruzurrak egiten ari direla ohartarazi du Udaltzaingoak. Jakinarazi duenez, aste honetan adineko baten salaketa jaso dute: “Pertsona horri gazte batek bisitatu zion esanez Udaleko langilea zela, eta gizarte ze...
Udalaren izenean, adinekoen kontrako iruzurrak egiten ari direla ohartarazi du Udaltzaingoak. Jakinarazi duenez, aste honetan adineko baten salaketa jaso dute: “Pertsona horri gazte batek bisitatu zion esanez Udaleko langilea zela, eta gizarte zerbitzuetan lana egiten zuela”.
Gazte horrek bakarrik dauden adinekoei zuzendutako kanpaina bati buruzko informazioa eman ziola azaldu du Udaltzaingoak, etxean laguntzeko aukera emanez: “Gazte horrek idazki bat eman zion, eta bertan NANa eta sinadura jarri behar zituen, eta horrez gain, idazkiaren goialdeko laukitxo batean zenbateko ekarpena egingo zuen, eta kopuru batzuk zehazten ziren, 20 euro, 40 euro…”.
Udaltzaingoaren arabera, bi pertsona dabiltza iruzur horretan, eta horrenbestez, adinekoak ohartarazi dituzte ez bata ezta bestea ere ez direlako Udaleko langileak.
Horrez gain, norbaitek bi pertsona horiei buruzko zerbait badaki Udaltzaingora deitzeko eskatu dute 943 34 43 43 telefono zenbakira edota 092ra.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako.Herrigintza egin nahi dudalako.Hiriko euskarazko komunitatearen parte izan nahi dudalako. Bidasoak eta bidasoarrok behar dugulako.
