Abenduko ekitaldien balantze positiboa egin du Udalak
Lezoko Udalak abenduan zein urtarrilaren hasieran egindako ekitaldien gaineko balantzea egin du. Balorazioa positiboa izan da, batez ere era askotako jarduera horietan parte-hartzea handia iazn delako. Iñigo Esnaola Euskara, Kultura eta Kirol zinegotziak San Tomas feria hartzen ari den indarra nabarmendu du. “Gero eta jende gehiagok hartzen du parte, gero eta postu gehiago jartzen dituzte… Lezoarron elkargune bilakatu da San Tomas Eguna, batez ere eguna antolatzeko egiten den elkarlan handiaren ondorioz. Egun horretan lan egin zutenak, eta lezoarrak oro har, zoriondu nahi ditut”, esan du zinegotziak. Gainerako ekitaldiek izan duten erantzunarekin ere gustura daude Lezoko Udaleko ordezkariak. Gabonekin zerikusia duten ekitaldiek ere izan zuten. Eguberri Bezperako Hator, hator ekitaldian jende askok parte hartu zuela nabarmendu dute, Errege kabalgatan ere, Olentzeroren etorrerak ere. Adin guztientzako ekitaldiak Gabonetako haurrei zuzendutako ohiko jolasez gain,aurten ere gazteentzako ekitaldiak antolatu dituzte. Horrela, errokodromoaren inaguruazioa egin dute. Horrez gain, kirol azpiegiturak berriak ere jarri ditu Udalak, hala nola saskibaloiko bi saski berri (Saldise plazan eta Tiñelu atzealdean). Ping pongeko mahaia ere jarri dute, skatepark-earen ondoan. “Gazte Plana egin genuenean eskaera hori egin zuten gazteek. Legegintzaldi hasieran finkatu genuen ildoari jarraitzen diogu, hau da, gazteentzako espazioak berreskuratzearena”, azaldu du Esnaolak. Bestalde, Markesane parkearen gaineko hitzaldian eta Lezo [...]
Lezoko Udalak abenduan zein urtarrilaren hasieran egindako ekitaldien gaineko balantzea egin du. Balorazioa positiboa izan da, batez ere era askotako jarduera horietan parte-hartzea handia iazn delako.
Iñigo Esnaola Euskara, Kultura eta Kirol zinegotziak San Tomas feria hartzen ari den indarra nabarmendu du. “Gero eta jende gehiagok hartzen du parte, gero eta postu gehiago jartzen dituzte… Lezoarron elkargune bilakatu da San Tomas Eguna, batez ere eguna antolatzeko egiten den elkarlan handiaren ondorioz. Egun horretan lan egin zutenak, eta lezoarrak oro har, zoriondu nahi ditut”, esan du zinegotziak.
Gainerako ekitaldiek izan duten erantzunarekin ere gustura daude Lezoko Udaleko ordezkariak. Gabonekin zerikusia duten ekitaldiek ere izan zuten. Eguberri Bezperako Hator, hator ekitaldian jende askok parte hartu zuela nabarmendu dute, Errege kabalgatan ere, Olentzeroren etorrerak ere.
Adin guztientzako ekitaldiak
Gabonetako haurrei zuzendutako ohiko jolasez gain,aurten ere gazteentzako ekitaldiak antolatu dituzte. Horrela, errokodromoaren inaguruazioa egin dute. Horrez gain, kirol azpiegiturak berriak ere jarri ditu Udalak, hala nola saskibaloiko bi saski berri (Saldise plazan eta Tiñelu atzealdean). Ping pongeko mahaia ere jarri dute, skatepark-earen ondoan. “Gazte Plana egin genuenean eskaera hori egin zuten gazteek. Legegintzaldi hasieran finkatu genuen ildoari jarraitzen diogu, hau da, gazteentzako espazioak berreskuratzearena”, azaldu du Esnaolak.
Bestalde, Markesane parkearen gaineko hitzaldian eta Lezo airetik liburuaren aurkezpenean bildutako jendea aipagarria izan da Udaleko ordezkarientzat. Bigarren ekitaldia batez ere, Kultura aretoa jendez lepo bete baitzen. Liburu hori, gainera, Lezo Institutuan ere aurkeztu zuten.
Bestalde, Lezo airetik liburuaren irudiak ditu aurtengo egutegiak. Zinegotziak azaldu duenez, 2.500 ale banatu zituzten etxez etxe, “baina lezoar asko hurbildu zaizkigu eta 3.000 aleko tirada agortu da”.
