Ondartxoko parte-hartze prozesuaren lehen fasea bukatuta, ondorioak biltzen hasiko dira
Ondartxori buruzko parte-hartze prozesuaren lehen fasea bukatutzat eman du Pasaiako Udalak. Maider Ziganda alkatea pozik dago lortutako emaitzarekin eta jendearen erantzunarekin. Guztira 52 herritar bildu ziren egindako hiru bilkuretan. Orain, hurrengo pausoa herritarrek proposatutako ideiak bildu eta ondorioak aztertzea izango da. Behin ondorioak bilduta, Udalak jasoko ditu eta proiektua idazteko lehiaketa aterako du. “Lehiaketa irabazten duenak proiektua idatziko du eta guk herritarren ekarpenak helaraziko dizkiogu proiektua idazteko garaian kontua har ditzan”, azaldu du Zigandak. Ondorio horiek aurrerago egingo dituztela publiko adierazi du Pasaiako alkateak. Bi bilkura egin beharrean, hiru Hasiera batean bi bilera aurreikusi bazituzten ere, azkenean hiru aldiz elkartu dira herritarrekin Ondartxoko gunearen gainean hitz egiteko, “horretarako beharra ikusi zelako”. Ondartxo nola eraiki nahi dugu? izenburupean, lehenengo bilera joan den abenduaren 11n egin zuten. Bilera horretan, parte-hartzaileek gunearen errealitate sozio-urbanistikoa ezagutzeko aukera izan zuten, horren egoera eta aurrekariak. Hurrengo bileretan, berriz, Ondartxoko eremu horretan beharrezkoak iruditu zaizkien erabilerak proposatu zituzten. Ontziolaren inguruan dagoen eremua aisiarako berreskuratzeko asmoa du Udalak, eta horretara bideratutako ekipamendua egingo dela jasota dago Gipuzkoako Foru Aldundiarekin Udalak duen hitzarmenean. Bileretan emandako informazioa eta gaiarekin lotutako beste hainbat dokumentu Udalaren webgunean (www.pasaia.net) jarri dituzte eskura. Biteriko parte-hartze prozesua Maider Zigandak jakinarazi duenez, Biteriko parte-hartze prozesuaren bigarren [...]
Ondartxori buruzko parte-hartze prozesuaren lehen fasea bukatutzat eman du Pasaiako Udalak. Maider Ziganda alkatea pozik dago lortutako emaitzarekin eta jendearen erantzunarekin. Guztira 52 herritar bildu ziren egindako hiru bilkuretan.
Orain, hurrengo pausoa herritarrek proposatutako ideiak bildu eta ondorioak aztertzea izango da. Behin ondorioak bilduta, Udalak jasoko ditu eta proiektua idazteko lehiaketa aterako du. “Lehiaketa irabazten duenak proiektua idatziko du eta guk herritarren ekarpenak helaraziko dizkiogu proiektua idazteko garaian kontua har ditzan”, azaldu du Zigandak. Ondorio horiek aurrerago egingo dituztela publiko adierazi du Pasaiako alkateak.
Bi bilkura egin beharrean, hiru
Hasiera batean bi bilera aurreikusi bazituzten ere, azkenean hiru aldiz elkartu dira herritarrekin Ondartxoko gunearen gainean hitz egiteko, “horretarako beharra ikusi zelako”. Ondartxo nola eraiki nahi dugu? izenburupean, lehenengo bilera joan den abenduaren 11n egin zuten. Bilera horretan, parte-hartzaileek gunearen errealitate sozio-urbanistikoa ezagutzeko aukera izan zuten, horren egoera eta aurrekariak. Hurrengo bileretan, berriz, Ondartxoko eremu horretan beharrezkoak iruditu zaizkien erabilerak proposatu zituzten.
Ontziolaren inguruan dagoen eremua aisiarako berreskuratzeko asmoa du Udalak, eta horretara bideratutako ekipamendua egingo dela jasota dago Gipuzkoako Foru Aldundiarekin Udalak duen hitzarmenean.
Bileretan emandako informazioa eta gaiarekin lotutako beste hainbat dokumentu Udalaren webgunean (www.pasaia.net) jarri dituzte eskura.
Biteriko parte-hartze prozesua
Maider Zigandak jakinarazi duenez, Biteriko parte-hartze prozesuaren bigarren fasearekin hilaren bukaeran hasteko asmoa du Udalak. Hala eta guztiz ere, datozen asteetan emango dituzte gai horren inguruko xehetasun gehiago.
