Gabonetako Kale Ekintzaren baitan, oporrei agur esan zieten herriko txikiek asteazkenean. Horrela bukatutzat eman zuten Gabonetako egitaraua. Aurrerantzean, ohiko moduan, Kale Ekintzako saioak larunbatetan egingo dituzte herrian, Ttak-ek antolatuta. Ha...
Gabonetako Kale Ekintzaren baitan, oporrei agur esan zieten herriko txikiek asteazkenean. Horrela bukatutzat eman zuten Gabonetako egitaraua. Aurrerantzean, ohiko moduan, Kale Ekintzako saioak larunbatetan egingo dituzte herrian, Ttak-ek antolatuta.
Hala, gaur arratsaldean, jolasean ibiltzeko saioa antolatu dute. 6-12 urteko haurrek eta gaztetxoek erabakiko dute zertan jolastu nahi duten. Horretarako, 16:30ean Doneztebe plazara agertu behar dute. Saioa 18:30ean bukatuko da.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
