Urtarrilaren 8ko manifestaziora joateko deia egin du Oreretako AAMk
Oreretako Amnistiaren Aldeko Mugimenduak Bilbon egingo den manifestaziora joateko deia egin die herritarrei: “Demokrazia nahi dugulako. Nahikoa delako. Herri honek sufrimenduzko eta bidegabekeriazko aro hau atzean utzi eta bere bidean aurrera eg...
Oreretako Amnistiaren Aldeko Mugimenduak Bilbon egingo den manifestaziora joateko deia egin die herritarrei: “Demokrazia nahi dugulako. Nahikoa delako. Herri honek sufrimenduzko eta bidegabekeriazko aro hau atzean utzi eta bere bidean aurrera egin nahi duelako”. Manifestazioa urtarrilaren 8an izango da, Euskal Presoak Euskal Herrira eskubide guztiekin. Egin dezagun urratsa lelopean.
Oreretak euskal preso politikoen kontrako espetxe politika “ankerra” bizi duela salatu du Oreretako AAMk: “Hemezortzi preso ditu herri honek, eta horiek guztiak, beraien eskubideen urraketen testigu dira. Gehienak Euskal Herritik ehunka kilometrora daude; askok hogei urtetik gora daramatzate kartzelan, beste bati 197/06 doktrinaren bidez bizi osoko kartzela zigorra aplikatu diote”. Hori horrela, “euskal preso politikoen eskubideak behingoz errespetatuak izan daitezen” hurrengo egunetarako deitu dituzten ekimenetan parte hartzeko deia egin die herritarrei.
Egitaraua:
Hilak 21, asteartea
13:00etan. Hator Hator argazkia, Foru plazan.
Hilak 24, osteguna
16:00etan. Olentzeroren etorrera Martutenen.
19:00etan. Olentzeroren etorrera Foru plazan.
Hilak 26, igandea
11:00etan. Martutenera martxa. 11:00etan Donostiako Egia auzoko epaitegian jarri dute hitzordua.
Hilak 31, ostirala
18:30ean. Manifestazioa, Herriko Enparantzatik abiatuta.
Urtarrilak 1, larunbata
09:45ean. Urdaburura mendi martxa, Susperregitik abiatuta.
