Txerrimuño etxe okupatuak 27. urteurrena ospatuko du asteburu honetan
Urte bukaera iritsita, Txerrimuño etxe okupatuak urteurrena ospatuko du beste behin. Aurtengoa 27.a izango da. Ohi bezala, ederki ospatuko dute urteurrena, ekitaldi ugari antolatu baitituzte etxe okupatukoek. Lehenik eta behin, etzi arratsaldean, eusk...
Urte bukaera iritsita, Txerrimuño etxe okupatuak urteurrena ospatuko du beste behin. Aurtengoa 27.a izango da.
Ohi bezala, ederki ospatuko dute urteurrena, ekitaldi ugari antolatu baitituzte etxe okupatukoek. Lehenik eta behin, etzi arratsaldean, euskal presoen aldeko karteladan hartuko dute parte. Ondoren, 21:30ean, afari autogestionatua egingo dute Txerrimuñon.
Tailerrak, bertsoak eta musika
Larunbatean, 11:00tan, serigrafia tailerra egingo dute. Joaldunak ere ariko dira goizean. 14:00etan bertso-bazkaria egingo dute, Jokin Labayen eta Alaia Martin bertsolariekin. Gauean, berriz, 21:00etan hasiko den afariaren ondoren, kontzertua emango dute lau taldek: Donnadiesek, Murder Pink-ek, Lorebeltzek eta Mitosiak.
